ವಿಜಯಪುರಕ್ಕೂ ಬಂತು ಇಬ್ಬರು ತಬ್ಲೀಘಿ ನಂಟು: ಸೋಂಕಿತರ ಸಂಖ್ಯೆ 52ಕ್ಕೆ

Team Udayavani, May 13, 2020, 12:45 PM IST

ವಿಜಯಪುರ : ಬುಧವಾರ ಮತ್ತೆ ಇಬ್ಬರಿಗೆ ಕೋವಿಡ್-19 ಕೋವಿಡ್ ಸೋಂಕು ದೃಢಪಟ್ಟಿದ್ದು, ಇದರೊಂದಿಗೆ ಬಸವನಾಡಿಗೂ ತಬ್ಲೀಘಿ ನಂಟು ಬೆಸೆದಿದೆ. ಇದರೊಂದಿಗೆ ಜನರ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 52 ಕ್ಕೆ ಏರಿದೆ.

ಮಹಾರಾಷ್ಟ್ರದ ಮುಂಬೈ ತಬ್ಲೀಘಿಗೆ ಹೋಗಿ ಬಂದಿರುವ 30 ವರ್ಷದ P- 944 ಹಾಗೂ 18 ವರ್ಷದ P- 945 ವ್ಯಕ್ತಿಗಳಿಗೆ ಸೋಂಕು ದೃಢಪಟ್ಟಿದೆ.

ಈ ಎರಡು ಪ್ರಕರಣಗಳು ಸೇರಿದಂತೆ ವಿಜಯಪುರ ಜಿಲ್ಲೆಗೆ ಮಹಾರಾಷ್ಟ್ರ ಮೂಲದಿಂದಲೇ ಸೋಂಕು ಪ್ರವೇಶಿಸಿದೆ. ಈ ಹಿಂದೆ ಮಹಾರಾಷ್ಟ್ರ ಈಚಲಕರಂಜಿ ಪಟ್ಟಣಕ್ಕೆ ಶವಸಂಸ್ಕಾರಕ್ಕೆ ತೆರಳಿದ್ದ 60 ವೃದ್ಧೆ P -221 ಮೂಲಕ ಏಪ್ರಿಲ್12 ರಂದು ಜಿಲ್ಲೆಗೆ ಮೊದಲ ಸೋಂಕು ಪ್ರವೇಶ ಮಾಡಿತ್ತು.‌ಇದೇ ದಿನ ಮಹಾರಾಷ್ಟ್ರ ರಾಜ್ಯದಿಂದ ನಗರಕ್ಕೆ ತಂದೆಯ ಶವ ಸಂಸ್ಕಾರಕ್ಕೆ ಬಂದಿದ್ದ‌ ಮಹಿಳೆ ಹಾಗೂ ಆಕೆಯ ಮಕ್ಕಳಿಂದ 13 ವರ್ಷದ P -228 ಬಾಲಕನಿಗೆ ಸೋಂಕು ಪತ್ತೆಯಾಗಿತ್ತು. ಇದೀಗ ಮುಂಬಯಿ ತಬ್ಲೀಘಿ ನಂಟಿನ ಸಂಪರ್ಕದಿಂದ ಸೋಂಕು ದೃಢಪಟ್ಟಿದೆ.