ಈಡೇರಿದ ರೈತರ ದಶಕಗಳ ಬೇಡಿಕೆ

Team Udayavani, May 15, 2020, 5:56 AM IST

ಕೋಟ: ಕೋಟ ಗ್ರಾ.ಪಂ. ವ್ಯಾಪ್ತಿಯ ಗಿಳಿಯಾರು ಹಂಡೆಕೆರೆ ಭಾಗದ ಕೃಷಿಭೂಮಿಗೆ ತೆಕ್ಕಟ್ಟೆ, ಮಣೂರು ದೇವಸ ಮಾರ್ಗವಾಗಿ ವಾರಾಹಿ ನೀರು ಹರಿದು ಬಂದಿದ್ದು ಈ ಭಾಗದ ರೈತರ ದಶಕಗಳ ಬೇಡಿಕೆ ಫಲಿಸಿದೆ.

ಇಲ್ಲಿನ ನೂರಾರು ಎಕ್ರೆ ಕೃಷಿಭೂಮಿಯ ಬಿತ್ತನೆ, ನಾಟಿ ಮುಂತಾದ ಚಟುವಟಿಕೆಗಳಿಗೆ ವಾರಾಹಿ ನೀರು ಅಗತ್ಯವಿದ್ದು ಈ ಕುರಿತು ಸ್ಥಳೀಯ ರೈತರು ಹಲವಾರು ಬಾರಿ ಕುಂದಾಪುರ ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ ಮುಂತಾದವರಿಗೆ ಮನವಿ ಮಾಡಿದ್ದರು. ಇದೀಗ ಇವರ ಬೇಡಿಕೆ ಈಡೇರಿದ್ದು ಕೃಷಿ ಚಟುವಟಿಕೆಗೆ ಅನುಕೂಲವಾಗಿದೆ ಹಾಗೂ ಈ ಬಾರಿ ಮುಂಗಾರು ಮಳೆಗೆ ಕಾಯದೆ ಬಿತ್ತನೆ, ನಾಟಿ ನಡೆಸಬಹುದಾದ ವಾತವರಣ ಇಲ್ಲಿ ನಿರ್ಮಾಣವಾಗಿದೆ. ಬೇಡಿಕೆಗೆ ಪೂರಕ ಪ್ರತಿಕ್ರಿಯೆ ನೀಡಿದ ಶಾಸಕರು, ಇತರ ಜನಪ್ರತಿನಿಧಿಗಳು ಹಾಗೂ ವಾರಾಹಿ ಅಧಿಕಾರಿಗಳಿಗೆ ರೈತರು ಅಭಿನಂದನೆ ಸಲ್ಲಿಸಿದ್ದಾರೆ.