ಆ್ಯಪ್ ಮಿತ್ರ: ಪಿಕಾಯ್ (Picai)

Team Udayavani, May 18, 2020, 4:15 AM IST

ಡಿ.ಎಸ್‌.ಎಲ್.ಆರ್‌. ಕ್ಯಾಮೆರಾಗಳಲ್ಲಿ ಫೋಟೋ ತೆಗೆಯುವವರಿಗೆ, ಅಸಂಖ್ಯ ಸಲಕರಣೆಗಳು, ಲೆನ್ಸ್‌ಗಳ ಆಯ್ಕೆಗಳಿರುತ್ತವೆ. ಎಷ್ಟೋ ವೇಳೆ, ಲೆನ್ಸ್‌ ಎದುರುಗಡೆ ಫಿಲ್ಟರ್‌ ಗಳನ್ನೂ ಬಳಸುತ್ತಾರೆ. ಬಣ್ಣಬಣ್ಣದ ತೆಳು ಗಾಜಿನ ಆ  ಪರದೆಗಳನ್ನು, ದೃಶ್ಯಾವಳಿಯ ಅಂದ ಹೆಚ್ಚಿಸಲು ಬಳಸುತ್ತಾರೆ. ಅದನ್ನು ಸ್ಮಾರ್ಟ್‌ ಫೋನಿನಲ್ಲಿ ಸಾಧ್ಯವಾಗಿಸುವ ಅನೇಕ ಫಿಲ್ಟರ್‌ ಗಳು, ಆಪ್‌ ಪ್ಲೇಸ್ಟೋರಿನಲ್ಲಿ ಸಿಗುತ್ತವೆ. ಅವುಗಳಲ್ಲಿ, ಸ್ಮಾರ್ಟ್‌ ಎಂದು ಕರೆಯಬಹುದಾದ ಆ್ಯಪ್‌  ಒಂದಿದ್ದರೆ ಅದು- “ಪಿಕಾಯ್’.

ಬಹುತೇಕ ಫಿಲ್ಟರ್‌ಗಳನ್ನು, ಫೋಟೋ ಹೊಡೆದ ನಂತರ ಅಪ್ಲೆ„ ಮಾಡಬೇಕಾಗುತ್ತದೆ. ಆದರೆ ಪಿಕಾಯ್, ರಿಯಲ್‌ ಟೈಮ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಅಂದರೆ, ಫೋಟೋ ತೆಗೆಯುವಾಗಲೇ, ಬಳಕೆದಾರರು ತಮ್ಮ ನೆಚ್ಚಿನ  ಫಿಲ್ಟರ್‌ ಅನ್ನು ಆರಿಸಿಕೊಳ್ಳಬಹುದು. ಈ ಆ್ಯಪ್‌, ಆರ್ಟಿಫಿಷಿಯಲ್‌ ಇಂಟೆಲಿಜೆನ್ಸ್‌ ಅನ್ನು ಹೊಂದಿದೆ. ಬಳಕೆದಾರ, ಯಾವ ವಸ್ತುವನ್ನು ಸೆರೆ ಹಿಡಿಯಲು ಯತ್ನಿಸುತ್ತಿದ್ದಾನೆ ಎಂಬುದನ್ನು ಲೆಕ್ಕಾಚಾರ ಮಾಡಿ, ಅದೇ ಹೇಳುತ್ತದೆ.  ಉದಾಹರಣೆಗೆ, ಬಳಕೆದಾರ ಮರವನ್ನು ಸೆರೆ ಹಿಡಿಯಲು ಪ್ರಯತ್ನಿಸುತ್ತಿದ್ದರೆ, ಈ ಆಪ್‌ “ಟ್ರೀ’ ಎಂದು ಪರದೆ ಮೇಲೆ ಹೇಳುತ್ತೆ. ಅಷ್ಟೇ ಅಲ್ಲ,

ಮರವನ್ನು ಸೆರೆಹಿಡಿಯಲು ಯಾವ ಫಿಲ್ಟರ್‌ ಸೂಕ್ತ ಎನ್ನುವುದನ್ನು, ಅದೇ ಆಯ್ಕೆ ಮಾಡಿ ನಮ್ಮ  ಮುಂದಿರಿಸುತ್ತದೆ. ಆ ದೃಶ್ಯ ನಮಗೆ ಸೂಕ್ತ ಎಂದೆನಿಸಿದರೆ, ಆ ಫಿಲ್ಟರ್‌ ಅನ್ನು ಆರಿಸಿಕೊಳ್ಳಬಹುದು. ಒಂದೇ ಸಲಕ್ಕೆ ಸ್ಕ್ರೀನನ್ನು ಆರ್ಧರ್ಧ ಮಾಡಿ, ಎರಡು ಫಿಲ್ಟರ್‌ ಪ್ರಭಾವವನ್ನು ತೋರಿಸುತ್ತದೆ. ಆ ಫಿಲ್ಟರ್‌ ಇಷ್ಟವಾಗದಿದ್ದರೆ, ಮೇಲೆ ಕೆಳಗೆ  ಸ್ವೈಪ್‌ ಮಾಡಬೇಕು. ಆಗ ಬೇರೆ ಫಿಲ್ಟರ್‌ ಆಯ್ಕೆ ಮೂಡುತ್ತದೆ. ಯಾವ ಫಿಲ್ಟರ್‌ ಇಷ್ಟವಾಗುತ್ತದೋ ಅದನ್ನು, ಎಡದಿಂದ ಬಲಕ್ಕೆ ಸ್ವೈಪ್‌ ಮಾಡಿದರೆ, ಆ ಫಿಲ್ಟರ್‌ ಪೂರ್ತಿಯಾಗಿ ಎದುರಿನ ದೃಶ್ಯಾವಳಿಯನ್ನು ಆವರಿಸಿಕೊಳ್ಳುತ್ತದೆ.  ತರ ಬಳಕೆದಾರ ಫೋಟೋ ಕ್ಲಿಕ್ಕಿಸಬಹುದು.