ರಾಯಚೂರು ವಿವಿಗೆ ಬುದ್ಧ-ಬಸವ-ಅಂಬೇಡ್ಕರ್‌ ಹೆಸರಿಡಿ

Team Udayavani, May 18, 2020, 11:32 AM IST

ರಾಯಚೂರು: ಸಿದ್ಧಾರ್ಥ ಬುದ್ಧ ವಿಹಾರ ಜಿಲ್ಲಾ ಯುವ ಘಟಕದ ಸದಸ್ಯರು ಜಿಲ್ಲಾಧಿಕಾರಿ ಕಚೇರಿ ಅಧಿಕಾರಿಗೆ ಮನವಿ ಸಲ್ಲಿಸಿದರು

ರಾಯಚೂರು: ಸರ್ಕಾರ ನೂತನವಾಗಿ ಸ್ಥಾಪಿಸಲು ಮುಂದಾಗಿರುವ ರಾಯಚೂರು ವಿಶ್ವವಿದ್ಯಾಲಯಕ್ಕೆ ಬುದ್ಧ, ಬಸವ, ಅಂಬೇಡ್ಕರ್‌ ಎಂದು ಹೆಸರಿಡುವಂತೆ ಸಿದ್ಧಾರ್ಥ ಬುದ್ಧ ವಿಹಾರ ಜಿಲ್ಲಾ ಯುವ ಘಟಕ ಒತ್ತಾಯಿಸಿದೆ.

ಈ ಕುರಿತು ಡಿಸಿ ಕಚೇರಿ ಸ್ಥಾನಿಕ ಅಧಿಕಾರಿಗೆ ಮನವಿ ಸಲ್ಲಿಸಿದ ಸಂಘದ ಸದಸ್ಯರು, ಈ ಭಾಗ ಕಲ್ಯಾಣ ನಾಡಾಗಿದೆ. ಬಂಡಾಯದ ನೆಲೆಯಾಗಿದೆ. ಹಿಂದುಳಿದ ಈ ಭಾಗದಲ್ಲಿ ಬುದ್ಧ ಬಸವ ಅಂಬೇಡ್ಕರ್‌ ವಿಚಾರಧಾರೆಗಳು ಮಹತ್ವದ ಪ್ರಭಾವ ಬೀರಿದ್ದು, ವಿಶ್ವವಿದ್ಯಾನಿಲಯಕ್ಕೆ ಈ ಮಹನೀಯರ ಹೆಸರು ಇಡುವುದು ಸೂಕ್ತ ಎಂದು ಒತ್ತಾಯಿಸಿದರು.

ಎಲ್ಲರಿಗೂ ತಮ್ಮ ಬೇಡಿಕೆ ಪ್ರಸ್ತಾಪಿಸುವ ಹಕ್ಕಿದೆ. ಅದರಂತೆ ನಾವು ನಮ್ಮ ಭಾವನೆ ಮುಂದಿಡುತ್ತಿದ್ದೇವೆ. ಜಿಲ್ಲೆಗೆ ತನ್ನದೆಯಾದ ಐತಿಹಾಸಿಕ ಹಿನ್ನೆಲೆ ಇದೆ. ಕಲ್ಯಾಣ ಕರ್ನಾಟಕದಲ್ಲಿಯೂ ವಿಶೇಷವಾಗಿ ಗುರುತಿಸಿಕೊಂಡಿದೆ. ನಮ್ಮ ಬೇಡಿಕೆಯನುಸಾರ ಹೆಸರಿಡದಿದ್ದಲ್ಲಿ ಮುಂದಿನ ದಿನಗಳಲ್ಲಿ ಸರ್ಕಾರದ ಮೇಲೆ ಒತ್ತಡ ಹೇರಬೇಕಾಗುತ್ತದೆ ಎಂದು ಎಚ್ಚರಿಸಿದರು. ಮುಖಂಡರಾದ ಕೆ.ಈ. ಕುಮಾರ, ಪ್ರಾಣೇಶ ಮಂಚಲ್‌, ಕೊಲ್ಮಿ ಮಲ್ಲೇಶ, ನರಸಪ್ಪ, ನರಸಿಂಹಲು ಇದ್ದರು.