ಬಸ್‌ ಕಾರ್ಮಿಕರ ನೆರವಿಗೆ ಧಾವಿಸಿ

Team Udayavani, May 18, 2020, 1:14 PM IST

ಚಿಕ್ಕಮಗಳೂರು: ಖಾಸಗಿ ಬಸ್‌ ಕಾರ್ಮಿಕರಿಗೆ ಐಒಸಿ ಪೆಟ್ರೋಲ್‌ ಬಂಕ್‌ ನಿರ್ದೇಶಕ ಎಚ್‌.ಆರ್‌.ಷಣ್ಮುಖ ಆಹಾರದ ಕಿಟ್‌ ವಿತರಿಸಿದರು.

ಚಿಕ್ಕಮಗಳೂರು: ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಖಾಸಗಿ ಬಸ್‌ ಚಾಲಕರು ಮತ್ತು ನಿರ್ವಾಹಕರ ನಿತ್ಯ ಜೀವನಕ್ಕೆ ಸಮಸ್ಯೆ ಎದುರಾಗಿದ್ದು, ಸರ್ಕಾರ ಇವರ ನೆರವಿಗೆ ಬರಬೇಕೆಂದು ಖಾಸಗಿ ಬಸ್‌ ಮಾಲೀಕರು ಹಾಗೂ ಐಒಸಿ ಪೆಟ್ರೋಲ್‌ ಬಂಕ್‌ ನಿರ್ದೇಶಕ ಎಚ್‌.ಆರ್‌. ಷಣ್ಮುಖ ತಿಳಿಸಿದರು.

ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಸುಮಾರು ಎರಡು ತಿಂಗಳ ಲಾಕ್‌ಡೌನ್‌ ಸಂದರ್ಭದಲ್ಲಿ ಕಾರ್ಮಿಕರು ತೀವ್ರ ಸಮಸ್ಯೆಗೆ ಒಳಗಾಗಿದ್ದಾರೆ. ಸರ್ಕಾರ ಇವರ ನೆರವಿಗೆ ಧಾವಿಸುವ ಮೂಲಕ ಕಾರ್ಮಿಕರ ಕುಟುಂಬದ ನೆರವಿಗೆ ಮುಂದಾಗ ಬೇಕೆಂದು ಒತ್ತಾಯಿಸಿದರು.

ಜಿಲ್ಲೆಯಲ್ಲಿ ಎರಡು ಸಾವಿರಕ್ಕೂ ಹೆಚ್ಚು ಕಾರ್ಮಿಕರಿದ್ದು, ಖಾಸಗಿ ಬಸ್‌ ಮಾಲೀಕರು ಅವರುಗಳಿಗೆ ಅಲ್ಪಸ್ವಲ್ಪ ಸಹಕಾರವನ್ನು ನೀಡಿದ್ದಾರೆ. ಮುಂದಿನ ದಿನಗಳಲ್ಲಿ ಮಾಲೀಕರಿಗೆ ಸಮಸ್ಯೆಯಾಗಬಹುದು. ಕೂಡಲೇ ಕೇಂದ್ರ ಮತ್ತು ರಾಜ್ಯ ಸರ್ಕಾರ ಖಾಸಗಿ ಬಸ್‌ ಕಾರ್ಮಿಕರ ನೆರವಿಗೆ ಮುಂದಾಗಬೇಕು ಎಂದರು.