ಗಡಿ ಜಿಲ್ಲೆ ಬೀದರ್ ನಲ್ಲಿ 10 ಪಾಸಿಟಿವ್ ಪ್ರಕರಣಗಳು

Team Udayavani, May 20, 2020, 1:33 PM IST

ಬೀದರ್ :ಗಡಿ ಜಿಲ್ಲೆ ಬೀದರ್ ನಲ್ಲಿ ಕೋವಿಡ್ ಸೋಂಕಿನ ಆರ್ಭಟ ಮತ್ತೆ ಮುಂದುವರೆದಿದ್ದು, ಬುಧವಾರ ಒಂದೇ ದಿನ 10 ಪಾಸಿಟಿವ್ ಪ್ರಕರಣಗಳು ವರದಿಯಾಗಿವೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ ಈಗ 68ಕ್ಕೆ ಏರಿಕೆ ಆಗಿದೆ.

ಕಳೆದೆರಡು ದಿನಗಳಿಂದ ಒಂದೊಂದೇ ಪ್ರಕರಣಗಳು ದಾಖಲಾಗಿ ಕೊಂಚ ತಗ್ಗಿದ ವೈರಾಣು ಮತ್ತೆ ತನ್ನ ಕೆನ್ನಾಲಿಗೆ ಚಾಚಿದೆ. ದೆಹಲಿಯ ತಬ್ಲೀಘಿಗಳಿಂದ ಕಂಟಕದಿಂದಲೇ ವೈರಸ್ ವ್ಯಾಪಿಸಿದೆ.

ಜಿಲ್ಲೆಯಲ್ಲಿ‌ ವರದಿಯಾಗಿರುವ 10 ಕೊವೀಡ್-19 ಪಾಜಿಟಿವ್ ಗಳಲ್ಲಿ ಬೀದರ್ ನ ಓಲ್ಡ್ ಸಿಟಿ ಕಂಟೈನ್ಮೆಂಟ್ ಝೋನ್ ನ 7, ಚಿಟಗುಪ್ಪ ಪಟ್ಟಣದ 2 ಹಾಗೂ ಭಾಲ್ಕಿ ಚಳಕಾಪುರ ಗ್ರಾಮದ 1 ಜನರು ಸೇರಿದ್ದಾರೆ.‌

ಬೀದರ ಜಿಲ್ಲೆಯಲ್ಲಿ ಈವರೆಗೆ ಒಟ್ಟು 68 ಪಾಸಿಟಿವ್ ಪ್ರಕರಣಗಳು ವರದಿಯಾದಂತಾಗಿದ್ದು, ಇದರಲ್ಲಿ 4 ಜನ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದರೇ ಇನ್ನೂ 44 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ.