ಈತನನ್ನು ಆರ್ ಸಿಬಿಗೆ ಖರೀದಿಸುವಂತೆ ಕೊಹ್ಲಿಗೆ ಹೇಳಿದ್ದೆ, ಆದರೆ ಮುಂಬೈ ಖರೀದಿಸಿತು:ಪಾರ್ಥೀವ್

Team Udayavani, May 22, 2020, 9:10 AM IST

ಬೆಂಗಳೂರು: ಟೀಂ ಇಂಡಿಯಾಗೆ ಸಣ್ಣ ಪ್ರಾಯದಲ್ಲೇ ಎಂಟ್ರಿ ಕೊಟ್ಟ ವಿಕೆಟ್ ಕೀಪರ್ ಪಾರ್ಥೀವ್ ಪಟೇಲ್ ಆರ್ ಸಿಬಿ ಪರವೂ ಮಿಂಚುತ್ತಿದ್ದಾರೆ. ವಿಕೆಟ್ ಕೀಪರ್ ಆಗಿ, ಆರಂಭಿಕ ಆಟಗಾರನಾಗಿ ತಂಡಕ್ಕೆ ಬಲ ತುಂಬುವ ಪಾಕೆಟ್ ರಾಕೆಟ್ ಪಟೇಲ್ ಕೆಲವು ಮಾಹಿತಿಗಳನ್ನು ಬಿಚ್ಚಿಟ್ಟಿದ್ದಾರೆ.

ಒಂದು ಸಂದರ್ಶನದಲ್ಲಿ ಮಾತನಾಡಿದ ಪಾರ್ಥೀವ್, ಪೇಸರ್ ಬುಮ್ರಾರನ್ನು ಖರೀದಿಸಲು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮುಂದಾಗಿದ್ದರ ಬಗ್ಗೆ ಹೇಳಿಕೊಂಡಿದ್ದಾರೆ.

2013ರಲ್ಲಿ ಬುಮ್ರಾ ಗುಜರಾತ್ ಪರ ಪದಾರ್ಪಣೆ ಮಾಡಿದ್ದ. ನಾನಾಗಲೇ ಆತನನ್ನು ಗಮನಿಸಿದ್ದೆ. ನಂತರ ಐಪಿಎಲ್ ಹರಾಜಿನಲ್ಲಿ ಬುಮ್ರಾನನ್ನು ಆರ್ ಸಿಬಿಗಹೆ ಖರೀದಿಸಬೇಕೆಂದು ವಿರಾಟ್, ಜಾನ್ ರೈಟ್ ಬಳಿ ಹೇಳಿಕೊಂಡಿದ್ದೆ. ನನಗೆ ಗೊತ್ತಿತ್ತು ಆತನೊಬ್ಬ ಸ್ಪೆಷಲ್ ಆಟಗಾರ. ಆದರೆ ಹರಾಜಿನಲ್ಲಿ ಮುಂಬೈ ತಂಡ ನಮ್ಮನ್ನು ಮೀರಿಸಿ ಆತನನ್ನು ಪಡೆದುಕೊಂಡಿತು ಎಂದು ಪಟೇಲ್ ಹೇಳಿಕೊಂಡಿದ್ದಾರೆ.

ಜಸ್ಪ್ರೀತ್ ಬುಮ್ರಾ ಮುಂಬೈ ಇಂಡಿಯನ್ಸ್ ತಂಡದ ಪ್ರಮುಖ ಆಟಗಾರನಲ್ಲಿ ಓರ್ವ. 77 ಪಂದ್ಯಗಳಲ್ಲಿ ಬುಮ್ರಾ 82 ವಿಕೆಟ್ ಪಡೆದಿದ್ದಾರೆ. ಐಸಿಸಿ ಏಕದಿನ ರಾಂಕಿಂಗ್ ನಲ್ಲಿ ದ್ವಿತೀಯ ಸ್ಥಾನಿಯಾಗಿದ್ದಾರೆ.