ಸ್ಯಾನಿಟೈಸರ್‌ ಬಳಕೆಯಲ್ಲೂ ಸುರಕ್ಷತೆ; ಪುತ್ತೂರಿನ ವಿದ್ಯಾರ್ಥಿಯ ಹೊಸ ಆವಿಷ್ಕಾರ

Team Udayavani, May 25, 2020, 9:42 AM IST

ಶಾಸಕ ಸಂಜೀವ ಮಠಂದೂರು ಸ್ಯಾನಿಟೈಸರ್‌ ವ್ಯವಸ್ಥೆಗೆ ಚಾಲನೆ ನೀಡಿದರು.

ಪುತ್ತೂರು: ಪರ್ಲಡ್ಕ ನಿವಾಸಿಯಾಗಿರುವ ದರ್ಬೆ ಬೆಥನಿ ಆಂಗ್ಲ ಮಾಧ್ಯಮ ಶಾಲೆಯ 8ನೇ ತರಗತಿ ವಿದ್ಯಾರ್ಥಿ ನಿಹಾಲ್‌, ಕೈಯಿಂದ ಮುಟ್ಟದೆ ಸ್ಯಾನಿಟೈಸರ್‌ ಬಳಕೆಯ ಈ ಸಾಧನವನ್ನು ಆವಿಷ್ಕರಿಸಿದ್ದಾರೆ. ಪಿವಿಸಿ ಪೈಪ್‌ ಮೂಲಕ ಸ್ಯಾನಿಟೈಸರ್‌ ಅನ್ನು ಮುಟ್ಟದೇ ಬಳಕೆ ಮಾಡಬಹುದು. ಈ ಸಾಧನ ಕಾಲಿನಿಂದ ಮೆಟ್ಟಿದರೆ ಸ್ಯಾನಿಟೈಸರ್‌ ಸಿಂಪಡಣೆಯಾಗುತ್ತದೆ.

ನಿಹಾಲ್‌ ತನ್ನ ಆವಿಷ್ಕಾರವನ್ನು ಮಿನಿ ವಿಧಾನಸೌಧ, ಪೊಲೀಸ್‌ ಠಾಣೆಗೆ ಕೊಡುಗೆಯಾಗಿ ನೀಡಿದ್ದಾರೆ. ಶಾಸಕ ಸಂಜೀವ ಮಠಂದೂರು ಮಿನಿ ವಿಧಾನಸೌಧದಲ್ಲಿ ಚಾಲನೆ ನೀಡಿದರು. ಸಹಾಯಕ ಕಮಿಷನರ್‌ ಡಾ| ಯತೀಶ್‌ ಉಳ್ಳಾಲ್‌, ತಹಶೀಲ್ದಾರ್‌ ರಮೇಶ್‌ ಬಾಬು ಟಿ., ಪೌರಾಯುಕ್ತೆ ರೂಪಾ ಟಿ. ಶೆಟ್ಟಿ, ಶಾಸಕರ ಆಪ್ತ ಸಹಾಯಕ ವಸಂತ ವೀರಮಂಗಲ, ಬಿಜೆಪಿ ಜಿಲ್ಲಾ ಮೋರ್ಚಾದ ಉಮ್ಮರ್‌ ಉಪಸ್ಥಿತರಿದ್ದರು.