ಲಾಕ್‌ಡೌನ್‌ ನಿಯಮ ಜಾಹೀರಾತಲ್ಲಿ ನಟ ಅಕ್ಷಯ್‌

Team Udayavani, May 26, 2020, 7:46 AM IST

ಬಾಲಿವುಡ್‌ ನಟ ಅಕ್ಷಯ್‌ ಕುಮಾರ್‌, ಸೋಮವಾರ ಮುಂಬಯಿಯ ಸ್ಟುಡಿಯೋವೊಂದರಲ್ಲಿ ಲಾಕ್‌ಡೌನ್‌ ಮುಗಿದ ನಂತರ ಸಾರ್ವಜನಿಕರು ಅನುಸರಿಸಬೇಕಾದ ನಿಯಮಗಳ ಬಗ್ಗೆ ನಿರ್ಮಿಸಲಾಗುತ್ತಿರುವ ಅಭಿಯಾನ ಮಾದರಿಯ ಜಾಹೀರಾತಿನಲ್ಲಿ ಅಭಿನಯಿಸಿದರು. ಬಾಲಿವುಡ್‌ ನಿರ್ದೇಶಕ ಆರ್‌. ಬಾಲ್ಕಿ ಅವರು ಈ ಜಾಹೀರಾತು ನಿರ್ದೇಶನ ಮಾಡುತ್ತಿದ್ದಾರೆ. ನಂತರ ಮಾತನಾಡಿದ ಬಾಲ್ಕಿ, ಈ ಜಾಹೀರಾತನ್ನು ಕೇಂದ್ರ ಸರಕಾರ ನಿರ್ಮಿಸುತ್ತಿದೆ ಎಂದಿದ್ದಾರೆ.
ಸಲ್ಮಾನ್‌ನಿಂದ ಹೊಸ “ಫ್ರೆಶ್‌’: ಬಾಲಿವುಡ್‌ ಸೂಪರ್‌ಸ್ಟಾರ್‌ ಸಲ್ಮಾನ್‌ ಖಾನ್‌, ಸೋಮವಾರ ತಮ್ಮ ಹೊಸ ಬ್ರಾಂಡ್‌ಗೆ ಚಾಲನೆ ನೀಡಿದರು. ಫ್ರೆಶ್‌ ಎಂಬ ಹೆಸರಿನ ಈ ಕಂಪನಿಯು ಸ್ಯಾನಿಟೈಸರ್‌, ಹ್ಯಾಂಡ್‌ ವಾಶ್‌, ಇನ್ನಿತರ ನೈರ್ಮಲ್ಯ ಪರಿಕರಗಳನ್ನು ಉತ್ಪಾದಿಸಲಿದೆ. ಫೇಸ್‌ಬುಕ್‌ನಲ್ಲಿ ಈ ಕಂಪನಿಯ ಉತ್ಪಾದನೆಗಳನ್ನು ಬಾಲಿವುಡ್‌ ನಟ ಪ‌ರಿಚಯಿಸಿದ್ದಾರೆ.