ದರ್ಜಿಗಳಿಗೆ ನೆರವು;ಸಚಿವರಿಗೆ ಮನವಿ

Team Udayavani, May 26, 2020, 8:45 AM IST

ಹುಬ್ಬಳ್ಳಿ: ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ದರ್ಜಿ (ಟೇಲರ್‌ಗಳು) ಆರ್ಥಿಕವಾಗಿ ಸಾಕಷ್ಟು ಸಂಕಷ್ಟಕ್ಕೀಡಾಗಿದ್ದು, ಸರಕಾರ ಜೀವನ ನಿರ್ವಹಣೆಗೆ ನೆರವು ನೀಡಬೇಕೆಂದು ಜಿಲ್ಲಾ ಉಸ್ತುವಾರಿ ಸಚಿವ ಜಗದೀಶ ಶೆಟ್ಟರ ಅವರಿಗೆ ಹು-ಧಾ ಕ್ಷತ್ರೀಯ ದರ್ಜಿ (ಟೇಲರ್‌) ಸಂಘದಿಂದ ಸೋಮವಾರ ಮನವಿ ಸಲ್ಲಿಸಲಾಯಿತು.

ಲಾಕ್‌ಡೌನ್‌ ಸಂದರ್ಭದಲ್ಲಿ ನಿರಂತರ ಎರಡು ತಿಂಗಳು ಕಾಲ ಉದ್ಯೋಗ ವಿಲ್ಲದಂತಾಗಿದ್ದು, ಜೀವನ ನಿರ್ವಹಣೆ ದುಸ್ತರವಾಗಿದೆ. ಮನೆಯಲ್ಲಿನ ಹಿರಿಯರ ಚಿಕಿತ್ಸೆಗೂ ಹಣವಿಲ್ಲದಂತಾಗಿದೆ. ಕೆಲವರು ಮನೆಯಲ್ಲಿನ ಸಾಮಗ್ರಿ ಮಾರಾಟ ಮಾಡಿ ಜೀವನ ನಿರ್ವಹಿಸುತ್ತಿದ್ದಾರೆ. ಸಂಕಷ್ಟದಲ್ಲಿರುವ ಟೇಲರ್‌ಗಳ ಕುಟುಂಬಗಳಿಗೆ ಆರ್ಥಿಕ ನೆರವು ನೀಡಬೇಕಿದೆ. ಈ ನಿಟ್ಟಿನಲ್ಲಿ ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸಿ ಸಹಾಯ ಮಾಡುವಂತೆ ಮನವಿ ಮಾಡಿದರು. ರಾಜ್ಯ ಸರಕಾರ ಈಗಾಗಲೇ ಕೆಲ ಕಾರ್ಮಿಕ ವರ್ಗಕ್ಕೆ ಪ್ಯಾಕೇಜ್‌ ಘೋಷಿಸಿರುವುದು ಸ್ವಾಗತಾರ್ಹ.ಈ ಪ್ಯಾಕೇಜ್‌ನಲ್ಲಿ ಟೇಲರ್‌ ಗಳನ್ನು ಸೇರ್ಪಡೆ ಮಾಡದಿರುವುದು ಮಲತಾಯಿ ಧೋರಣೆಯಾಗಿದೆ. ವಿಶೇಷ ಪ್ಯಾಕೇಜ್‌ನ್ನು ಕೂಡಲೇ ಟೇಲರ್‌ಗಳಿಗೆ ವಿಸ್ತರಿಸಬೇಕೆಂದು ಮನವಿ ಮಾಡಿದರು.

ಅಧ್ಯಕ್ಷ ದೇವೇಂದ್ರಪ್ಪ ದಾಮೋದರ, ಉಪಾಧ್ಯಕ್ಷ ಕೊಶೋರ ಉತ್ತರಕರ, ನಾಗರಾಜ ಕುಂಠೆ ಹಾಗೂ ಇನ್ನಿತರರಿದ್ದರು.