ಗಡಿನಾಡು ಬೀದರ್ ಗೆ ಕಂಟಕವಾದ ಮಹಾರಾಷ್ಟ್ರ: ಇಂದು 12 ಹೊಸ ಪ್ರಕರಣಗಳು ಪತ್ತೆ

Team Udayavani, May 27, 2020, 2:41 PM IST

ಬೀದರ್ : ಗಡಿ ನಾಡು ಬೀದರ್ ಜಿಲ್ಲೆಗೆ ಮಹಾರಾಷ್ಟ್ರ ಕಂಟಕದಿಂದಾಗಿ ಕೋವಿಡ್ ಸೋಂಕಿತರ ಸಂಖ್ಯೆ ನೂರರ ಗಡಿ ದಾಟಿದೆ. ಬುಧವಾರ ಈವರೆಗೆ ಅತಿ ಹೆಚ್ಚು 12 ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದ್ದು, ಜಿಲ್ಲೆ ಪಾಸಿಟಿವ್ ಸಂಖ್ಯೆ 107ಕ್ಕೆ ತಲುಪಿದೆ.

ಜಿಲ್ಲೆಯಲ್ಲಿ ಮೊದಲ ದಿನವೇ 11 ಕೇಸ್ ಪತ್ತೆಯಾಗಿ ರಾಜ್ಯದ ಗಮನ ಸೆಳೆದಿತ್ತು.‌ಈಗ ಒಂದೇ ದಿನ 12 ಪ್ರಕರಣಗಳು ವರದಿಯಾಗಿರುವುದು ಜಿಲ್ಲೆಯ ಜನರಲ್ಲಿ ಆತಂಕ ಹೆಚ್ಚುವಂತೆ ಮಾಡಿದೆ.‌ ಎಲ್ಲ ಸೋಂಕಿತರು ಮಹಾರಾಷ್ಟ್ರದ ಸಂಪರ್ಕ ಹೊಂದಿದ್ದು, ಬಸವಕಲ್ಯಾಣ ತಾಲೂಕಿನ ಕೋಹಿನೂರ್ ಗ್ರಾಮದವರು ಎಂದೆನ್ನಲಾಗುತ್ತಿದೆ.‌ ನಿನ್ನೆಯಷ್ಟೇ ಇದೇ ಗ್ರಾಮದಲ್ಲಿ 10 ಕೇಸ್ ಗಳು ಪತ್ತೆಯಾಗಿದ್ದವು. ಸೋಂಕಿತರ ಸಂಖ್ಯೆ ಹೆಚ್ಚುತ್ತಿರುವುದು ಗ್ರಾಮದ ಜನ ಭಯಭೀತರಾಗಿದ್ದಾರೆ.

31 ವರ್ಷದ ಪಿ- 2309, 25 ವರ್ಷದ ಪಿ- 2310, 12 ವರ್ಷದ ಪಿ- 2311, 31 ವರ್ಷದ ಪಿ- 2312, 28 ವರ್ಷದ ಪಿ-2313, 35 ವರ್ಷದ ಪಿ-2314, 43 ವರ್ಷದ ಪಿ-2315, 34 ವರ್ಷದ ಪಿ-2316, 28 ವರ್ಷದ ಪಿ-2317, 25 ವರ್ಷದ ಪಿ-2318, 21 ವರ್ಷದ ಪಿ- 2319 ಮತ್ತು 20 ವರ್ಷದ ಪಿ – 2320 ರೋಗಿಯಲ್ಲಿ ವೈರಾಣು ಪತ್ತೆಯಾಗಿದೆ.