ತೈಲ ಬೆಲೆ ಕುಸಿತ: ಭಾರತಕ್ಕೆ 25,000 ಕೋ.ರೂ. ಲಾಭ

Team Udayavani, May 29, 2020, 3:45 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ಕೋವಿಡ್ ಕಾರಣ ಜಗತ್ತಿನ ಎಲ್ಲಕಡೆ ಕಚ್ಚಾ ತೈಲದ ಬೆಲೆ ತೀವ್ರ ಇಳಿಕೆಯಾಗಿದೆ.

ಇದರ ಲಾಭವನ್ನು ಭಾರತ ಪಡೆದುಕೊಂಡಿದೆ. ಕುಸಿತದ ಪರಿಣಾಮ ಭಾರತ 25,000 ಕೋಟಿ ರೂ.ಗಳನ್ನು ಉಳಿತಾಯ ಮಾಡಿದೆ.

ಈ ವಿಚಾರವನ್ನು ಸ್ವತಃ ಕೇಂದ್ರ ಪೆಟ್ರೋಲಿಯಂ ಸಚಿವ ಧರ್ಮೇಂದ್ರ ಪ್ರಧಾನ್‌ ಅವರೇ ಹೇಳಿದ್ದಾರೆ.

ಈ ಸಂದರ್ಭದಲ್ಲಿ ಹೆಚ್ಚುವರಿ ಕಚ್ಛಾತೈಲವನ್ನು ಆಮದು ಮಾಡಿಕೊಂಡಿರುವ ಭಾರತ, ದೇಶದ ಹಲವೆಡೆಗಳಲ್ಲಿರುವ ಭೂಗತ ತೈಲ ಸಂಗ್ರಹಾರಗಳಲ್ಲಿ ಅವುಗಳನ್ನು ಶೇಖರಿಸಿಟ್ಟುಕೊಂಡಿದೆ.

ಭಾರತ ಈ ಬೆಲೆ ಕುಸಿತವಾಗಿರುವ ವೇಳೆಯಲ್ಲಿ 90 ಲಕ್ಷ ಟನ್‌ ಕಚ್ಚಾತೈಲ ಖರೀದಿಸಿ,ಸುರಕ್ಷಿತ ಜಾಗದಲ್ಲಿ ಸಂರಕ್ಷಿಸಿದೆ.

ಇದು ಹೆಚ್ಚುವರಿ ಸಂಗ್ರಹಕ್ಕೆ ನೆರವಾಗಲಿದೆ. ಎಪ್ರಿಲ್‌ ಹೊತ್ತಿಗೆ ಭಾರತದ ಕಚ್ಚಾತೈಲ ಸಂಸ್ಕರಣೆ ಶೇ.28.8ರಷ್ಟು ಕುಸಿದಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.