ನುಸುಳು ಯತ್ನ ವಿಫ‌ಲ: 3 ಉಗ್ರರ ಹೊಡೆದುರುಳಿಸಿದ ಭದ್ರತಾ ಪಡೆ

ನೌಶೇರಾ ವಲಯದಲ್ಲಿ ನಡೆದ ಕಾರ್ಯಾಚರಣೆ; ಕಥುವಾ ಸಾಂಬಾ ವಲಯದಲ್ಲಿ ಬಿರುಸಿನ ಬಿಗಿ ನಿಗಾ

Team Udayavani, Jun 2, 2020, 7:22 AM IST

ನುಸುಳು ಯತ್ನ ವಿಫ‌ಲ: 3 ಉಗ್ರರ ಹೊಡೆದುರುಳಿಸಿದ ಭದ್ರತಾ ಪಡೆ

ಸಾಂದರ್ಭಿಕ ಚಿತ್ರ

ಜಮ್ಮು: ಭದ್ರತಾ ಪಡೆಗಳಿಗೆ ಮತ್ತೂಂದು ಯಶಸ್ಸು ಎಂಬಂತೆ ಜಮ್ಮು ಮತ್ತು ಕಾಶ್ಮೀರದ ರಜೌರಿ ಜಿಲ್ಲೆಯ ನೌಶೇರಾ ವಲಯದ ಗಡಿ ನಿಯಂತ್ರಣ ರೇಖೆಯ ಬಳಿ ಶಸ್ತ್ರಸಜ್ಜಿತ ಮೂವರು ಭಯೋತ್ಪಾದಕರನ್ನು ಭದ್ರತಾ ಪಡೆ ಹೊಡೆದುರುಳಿಸಿದೆ. ಸೋಮವಾರ ಬೆಳಗ್ಗಿನ ಜಾವ ಈ ಘಟನೆ ನಡೆದಿದೆ. ಉಗ್ರರ ಸಮೂಹವೊಂದು ಪಾಕಿಸ್ಥಾನ ಆಕ್ರಮಿತ ಕಾಶ್ಮೀರದಿಂದ ಭಾರತದೊಳಕ್ಕೆ ನುಸುಳಲು ಯತ್ನಿಸಿತ್ತು. ಕಲಾಲ್‌ ಗ್ರಾಮದಲ್ಲಿ ಪಹರೆಯಲ್ಲಿದ್ದ ಭದ್ರತಾ ಪಡೆಯ ಯೋಧರಿಗೆ ಈ ಉಗ್ರರು ಕಣ್ಣಿಗೆ ಬಿದ್ದಿದ್ದು, ಎರಡೂ ಕಡೆ ಕೆಲ ಕಾಲ ಭೀಕರ ಗುಂಡಿನ ಚಕಮಕಿ ನಡೆಯಿತು. ಕೊನೆಗೆ ಮೂವರು ಉಗ್ರರನ್ನು ಹತ್ಯೆಗೈಯುವಲ್ಲಿ ಯೋಧರು ಯಶಸ್ವಿಯಾಗಿದ್ದು, ಉಗ್ರರ ನುಸುಳು ವಿಕೆ ಯತ್ನವನ್ನು ವಿಫ‌ಲ ಗೊಳಿಸಿದ್ದಾರೆ.

ಶೋಧ ಕಾರ್ಯ ಚುರುಕು: ಇನ್ನಷ್ಟು ಉಗ್ರರು ಒಳನುಸುಳುವ ಸುಳಿವಿನ ಹಿನ್ನೆಲೆಯಲ್ಲಿ ಪೂಂಛ್ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆಯುದ್ದಕ್ಕೂ 6ಕ್ಕೂ ಹೆಚ್ಚು ಪ್ರದೇಶಗಳಲ್ಲಿ ಭದ್ರತಾ ಪಡೆ ಸೋಮವಾರ ಶೋಧ ಕಾರ್ಯ ಆರಂಭಿಸಿದೆ. ಇದೇ ವೇಳೆ, ಕಥುವಾ-ಸಾಂಬಾ ವಲಯದ ಅಂತಾರಾಷ್ಟ್ರೀಯ ಗಡಿಯಲ್ಲಿ ಅನುಮಾನಾಸ್ಪದ ಚಲನವಲನ ಕಂಡುಬಂದ ಹಿನ್ನೆಲೆಯಲ್ಲಿ ಇಲ್ಲೂ ಭಾರೀ ನಿಗಾ ವಹಿಸಿ, ಶೋಧ ಕಾರ್ಯಾಚರಣೆ ಕೈಗೊಳ್ಳಲಾಗಿದೆ. ಈ ಹಿಂದೆ ಹಲವು ಬಾರಿ ಉಗ್ರರು ಹಿರಾನಗರ, ಸಾಂಬಾ ಪ್ರದೇಶದ ಮೂಲಕ ಒಳನುಸುಳಿ ವಿಧ್ವಂಸಕ ಕೃತ್ಯ ಎಸಗಿದ್ದರು.

ಛತ್ತೀಸ್‌ಗಢ ಪ್ರವೇಶಿಸಿದ ಮಿಡತೆಗಳ ಹಿಂಡು