ಆಚರಣೆಗಷ್ಟೇ ಪರಿಸರ ದಿನ ಬೇಡ

Team Udayavani, Jun 8, 2020, 7:40 AM IST

ಆನೇಕಲ್‌: ಪರಿಸರ ರಕ್ಷಣೆ ಒಂದು ದಿನಕ್ಕೆ ಸೀಮಿತವಾಗಬಾರದು. ಪರಿಸರ ರಕ್ಷಣೆಗೆ ನಮ್ಮ ಕೈಲಾದ ಕೊಡುಗೆ ನೀಡಬೇಕು ಎಂದು ಬೊಮ್ಮಸಂದ್ರ ಕೈಗಾರಿಕೆ ಸಂಘದ ಅಧ್ಯಕ್ಷ ಎ.ಪ್ರಸಾದ್‌ ಹೇಳಿದರು. ಬೊಮ್ಮಸಂದ್ರ ಕೈಗಾರಿಕೆ ಸಂಘದಿಂದ  ಹಮ್ಮಿಕೊಂಡಿದ್ದ ವಿಶ್ವ ಪರಿಸರ ದಿನದ ಅಂಗವಾಗಿ ಗಿಡ ನೆಡುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಬೊಮ್ಮಸಂದ್ರ ಅತಿ ಹಳೆಯ ಕೈಗಾರಿಕೆ ಪ್ರದೇಶ ಅಂದಾಜು 2,500 ಸಣ್ಣ ಹಾಗೂ ಮಧ್ಯಮ ಕೈಗಾರಿಕೆಗಳು ಬೊಮ್ಮಸಂದ್ರ  ಕೈಗಾರಿಕೆ ಸಂಘದ ಅಧೀನದಲ್ಲಿವೆ. ಈ ಭಾಗದಲ್ಲಿ ಪರಿಸರ ರಕ್ಷಣೆ ಮಾಡುವುದು ನಮ್ಮ ಜವಾಬ್ದಾರಿಯಾಗಿದೆ ಎಂದರು. ರಸ್ತೆ ಅಭಿವೃದ್ಧಿ, ಚರಂಡಿ, ಬೀದಿದೀಪ, ಸಿಸಿ ಕ್ಯಾಮರಾ ಅಳವಡಿಕೆ, ಟ್ರಾಫಿಕ್‌ ತಡೆಗಟ್ಟುವ ಸಲುವಾಗಿ  ಬೊಮ್ಮಸಂದ್ರದಲ್ಲಿ ಸಿಗ್ನಲ್‌ ಅಳವಡಿಕೆ, ಕಾನೂನು ಸುವ್ಯವಸ್ಥೆ ಕಾಪಾಡಲು ಹೆಚ್ಚಿನ ಆದ್ಯತೆ ನೀಡಲಾಗಿದೆ.

ಅದರ ಜೊತೆಗೆ ಸುಮಾರು 10 ಸಾವಿರ ಗಿಡ ನೆಡಲು ಚಾಲನೆ ನೀಡಲಾಗಿದೆ ಎಂದರು. ಪರಿಸರ ಮಾಲಿನ್ಯ ಮಂಡಳಿಯ ಬೊಮ್ಮಸಂದ್ರ ವ್ಯಾಪ್ತಿಯ ಅಧಿಕಾರಿ ಮಂಜುನಾಥ್‌  ಮಾತನಾಡಿದರು. ಖಜಾಂಚಿ ಸಂಜೀವ್‌ ಸಾವಂತ್‌, ಜಂಟಿ ಕಾರ್ಯದರ್ಶಿ ಮುರಳೀಧರ, ಕಾರ್ಯದರ್ಶಿ ನರೇಂದ್ರ ಕುಮಾರ್‌, ಜಂಟಿ ಖಜಾಂಚಿ ರಾಜಶೇಖರ್‌ ಪಾಟೀಲ್‌, ಎಕ್ಸಿಕ್ಯೂಟಿವ್‌ ಮೆಂಬರ್‌ ಜಿ.ಚಂದ್ರಶೇಖರ್‌, ವ್ಯವಸ್ಥಾಪಕ ಶಿವಕುಮಾರ್‌, ಎಕ್ಸಿಕ್ಯೂಟಿವ್‌ ಮೆಂಬರ್‌ಗಳಾದ ನೀಲಕಂಠಯ್ಯ, ನಾಗರಾಜ್‌ ಶೆಟ್ಟಿ, ಮಧುಸೂದನ್‌, ಶಶಿಕಿರಣ್‌, ಮಲ್ಲಿಕಾರ್ಜುನ್‌,ಜನಾರ್ಧನ್‌, ವಾಸು ಮತ್ತಿತರರು ಇದ್ದರು.