ಆನ್‌ಲೈನ್‌ನಲ್ಲಿ ಚಿನ್ನದ ಬಾಂಡ್‌ ಖರೀದಿ ಹೀಗೆ…

Team Udayavani, Jun 9, 2020, 11:17 AM IST

ಸಾಂದರ್ಭಿಕ ಚಿತ್ರ

ಮುಂಬೈ: 2020ರ ಸವರನ್‌ ಚಿನ್ನದ ಬಾಂಡ್‌ನ‌ ಮೂರನೇ ಭಾಗವನ್ನು ಆರ್‌ಬಿಐ ಸೋಮವಾರ ಬಿಡುಗಡೆ ಮಾಡಿದೆ. ಜೂ.12ರವರೆಗೆ ಇದನ್ನು ಖರೀದಿ ಮಾಡಲು ಗ್ರಾಹಕರಿಗೆ ಅವಕಾಶವಿದೆ. ಜೂ.16ರಂದು ಬಾಂಡ್ ಗಳನ್ನು ವಿತರಿಸಲಾಗುತ್ತದೆ. ಕನಿಷ್ಠ 1 ಗ್ರಾಮ್‌, ಗರಿಷ್ಠ 4 ಕೆಜಿ ಚಿನ್ನದ ಮೌಲ್ಯದ ಬಾಂಡ್‌ ಖರೀದಿ ಮಾಡಬಹುದು. ಇವುಗಳನ್ನು ಆನ್‌ಲೈನ್‌ನಲ್ಲೂ ಪಡೆಯಲು ಸಾಧ್ಯ. ಖರೀದಿಯ ಪ್ರಕ್ರಿಯೆಗಳು ಹೀಗಿವೆ…

ಹಂತ 1
https://bit.ly/2VFHnEA ಈ ವೆಬ್‌ಸೈಟ್‌ ತೆರೆದು ನಿಮ್ಮ ಬ್ಯಾಂಕ್‌ ಮೂಲಕ ಚಿನ್ನದ ಬಾಂಡ್‌ ಕೊಳ್ಳಲು ಅವಕಾಶವಿದೆಯಾ ಎಂದು ಖಚಿತಪಡಿಸಿಕೊಳ್ಳಬೇಕು.

ಹಂತ 2
ನಿಮ್ಮ ಬ್ಯಾಂಕ್‌ ಅವಕಾಶ ನೀಡುತ್ತಿದ್ದರೆ, ಅಂತರ್ಜಾಲ ಬ್ಯಾಂಕಿಂಗ್‌ಗೆ ಲಾಗಿನ್‌ ಆಗಿ.

ಹಂತ 3
ಅಲ್ಲಿ ಸೇವೆಗಳು ಎಂಬ ಆಯ್ಕೆಗೆ ಹೋಗಿ, ಸವರನ್‌ ಚಿನ್ನದ ಬಾಂಡ್‌ ಆಯ್ದುಕೊಳ್ಳಿ. ಅಲ್ಲಿರುವ ನೋಂದಣಿ ಪುಟದಲ್ಲಿ, ನಿಮ್ಮ ಪಾನ್‌ ಕಾರ್ಡ್‌, ಹೆಸರು, ವಿಳಾಸ ಇತ್ಯಾದಿ ನಮೂದಿಸಬೇಕು.

ಹಂತ 4
ತುಂಬಿರುವ ಮಾಹಿತಿ ಖಚಿತಪಡಿಸಿ, ನೀವು ನಾಮ ನಿರ್ದೇಶನ ಮಾಡುವ ವ್ಯಕ್ತಿಯ ಹೆಸರನ್ನು ಸೂಚಿಸಿ.

ಹಂತ 5
ಈಗ ನಿಮ್ಮ ಬ್ಯಾಂಕ್‌ ಒಂದು ಗ್ರಾಮ್‌ ಚಿನ್ನದ ಬಾಂಡ್‌ ಬೆಲೆ ಎಷ್ಟೆಂದು ತೋರಿಸುತ್ತದೆ. ನಿಮಗೆ ಎಷ್ಟು ಬೇಕೆಂದು ನಮೂದಿಸಿ, ಹಣ ಪಾವತಿಸಿ.