ಜಿಯೋ ಫೈಬರ್‌ ಬಳಕೆದಾರರಿಗೆ,ಅಮೇಜಾನ್‌ ಪ್ರೈಮ್‌ ವಾರ್ಷಿಕ ಸದಸ್ಯತ್ವ

Team Udayavani, Jun 13, 2020, 9:40 AM IST

ಮುಂಬೈ: ಭಾರತದಲ್ಲಿ ಕೆಲವು ವರ್ಷಗಳ ಹಿಂದೆ ಅಸ್ತಿತ್ವಕ್ಕೆ ಬಂದು, ಇಡೀ ದೂರಸಂಪರ್ಕ ಕ್ಷೇತ್ರದಲ್ಲಿ ಸಾಮ್ರಾಟನಂತೆ ಮುಕೇಶ್‌ ಅಂಬಾನಿ ಮಾಲಿಕತ್ವದ
ಜಿಯೋ ಕಂಪನಿ ಮೆರೆಯುತ್ತಿದೆ. ಅತ್ಯಂತ ವೇಗದ ಅಂತರ್ಜಾಲ ಸಾಮರ್ಥಯ ಹೊಂದಿರುವ ಜಿಯೋಫೈಬರ್‌ ಬ್ರಾಡ್‌ಬ್ಯಾಂಡ್‌ ಸೇವೆಯನ್ನು ಈಗಾಗಲೇ ಅದು ಮಾರುಕಟ್ಟೆಗಿಳಿಸಿದೆ. ಇದೀಗ ಹಲವು ದಿನಗಳಿಂದ ಗಾಳಿಮಾತಿನಂತೆ ಹರಿದಾಡುತ್ತಿದ್ದ ಒಂದು ಸುದ್ದಿ ಖಚಿತವಾಗಿದೆ.

ಜಿಯೋಫೈಬರ್‌ ಬಳಕೆದಾರರಿಗೆ, 999 ರೂ. ಮೌಲ್ಯದ ವಾರ್ಷಿಕ ಅಮೆಜಾನ್‌ ಪ್ರೈಮ್‌ ಸದಸ್ಯತ್ವವನ್ನು ಉಚಿತವಾಗಿ ಜಿಯೋ ನೀಡಲಿದೆ. ಗೋಲ್ಡ್‌ ಹಾಗೂ ಅದಕ್ಕೂ ಮೇಲಿನ ಪ್ಲಾನ್‌ಗಳನ್ನು ರೀಚಾರ್ಜ್‌ ಮಾಡಿಸುವ, ಹೊಸ ಹಾಗೂ ಹಳೆಯ ಜಿಯೋ ಫೈಬರ್‌ ಬಳಕೆದಾರರಿಗೆ ಈ ಸೌಲಭ್ಯ ಸಿಗಲಿದೆ. ಇದರೊಂದಿಗೆ ಜಾಹೀರಾತಿನ ತಾಪತ್ರಯವಿಲ್ಲದೇ ಪ್ರೈಮ್‌ ಮ್ಯೂಸಿಕ್‌ ವೀಕ್ಷಿಸಬಹುದು. ಪ್ರೈಮ್‌ ಗೇಮಿಂಗ್‌, ಪ್ರೈಮ್‌ ರೀಡಿಂಗ್‌ ಸೌಲಭ್ಯಗಳನ್ನು ಒಂದು ವರ್ಷದವರೆಗೆ
ಉಚಿತವಾಗಿ ಪಡೆಯಬಹುದು.