ಯುದ್ಧ ಬಳಕೆಗೆ ಬ್ರಹ್ಮೋಸ್‌ ಸಿದ್ಧ

Team Udayavani, Jun 17, 2020, 8:10 AM IST

ಹೊಸದಿಲ್ಲಿ: ವಾಯುಪಡೆಯ ಪ್ರಬಲ ಬತ್ತಳಿಕೆ ಬ್ರಹ್ಮೋಸ್‌ ಕ್ಷಿಪಣಿಗೆ “ಫ್ಲೀಟ್‌ ರಿಲೀಸ್‌ ಕ್ಲಿಯರೆನ್ಸ್‌’ ಪ್ರಮಾ­ಣೀಕರಣ ಲಭಿಸಿದೆ. ಇದರಿಂ­ದಾಗಿ ಯಾವುದೇ ಯುದ್ಧ ಸನ್ನಿವೇಶಗಳಲ್ಲಿ ವಾಯುಪಡೆ ಬ್ರಹ್ಮೋಸ್‌ ಕ್ಷಿಪಣಿ­ಯನ್ನು ಬಳಸಬಹುದಾ­ಗಿದೆ. “ಯುದ್ಧ ಕಾರ್ಯಾ­ಚರಣೆ­ಯಲ್ಲಿ ಬ್ರಹ್ಮೋಸ್‌ ಉಡಾಯಿಸಲು ಐಎಎಫ್ ನ ಪೈಲಟ್‌ಗಳಿಗೆ ಈ ಪ್ರಮಾ­ಣೀಕರಣ ಅನುಕೂಲ ಮಾಡಿಕೊಟ್ಟಿದೆ’ ಎಂದು ಬ್ರಹ್ಮೋಸ್‌ ಕಾರ್ಪೊರೇಷನ್‌ ತಿಳಿಸಿದೆ.

ಸಂದಿಗ್ಧ ಸಮಯದಲ್ಲಿ ಮಾತ್ರವೇ ಯಾವುದೇ ಕ್ಷಿಪಣಿಗೆ “ಫ್ಲೀಟ್‌ ರಿಲೀಸ್‌ ಕ್ಲಿಯರೆನ್ಸ್‌’ ನೀಡಲಾಗುತ್ತದೆ. ಬ್ರಹ್ಮೋಸ್‌ ಸೂಪರ್‌ಸಾನಿಕ್‌ ನೌಕಾ­ಕ್ಷಿಪಣಿಯು ಸುಖೋಯ್‌- 30 ಎಂಕೆಐ ಯುದ್ಧ ವಿಮಾನದ ಮೂಲಕ ತಂಜಾವೂ­ರಿನ ಐಎಎಫ್ ವಾಯುನೆಲೆಗೆ ಜನವರಿ ತಿಂಗಳಿನಲ್ಲಿಯೇ ಸೇರ್ಪಡೆಗೊಂಡಿತ್ತು. 300 ಕಿ.ಮೀ. ಗಮ್ಯದ ದಾಳಿ ಸಾಮರ್ಥ್ಯ ಈ ಕ್ಷಿಪಣಿಗಿದೆ. ಸುಖೋಯ್‌- 30 ಎಂಕೆಐ ಅತ್ಯಾಧುನಿಕ ಬಹುಪಾತ್ರದ ಫೈಟರ್‌ ವಿಮಾನವಾಗಿದ್ದು, ವಾಯು, ನೆಲ ಮತ್ತು ಕಡಲ ಮೇಲಿನ ಕಾರ್ಯಾಚರಣೆಯ ವಿಶೇಷ ಸಾಮರ್ಥ್ಯವನ್ನು ಹೊಂದಿದೆ.