ಹುಲಿಕಲ್‌ನಲ್ಲಿ ಒಂದೇ ದಿನ ಸುರಿದ 125 ಮಿಮೀ ಮಳೆ

Team Udayavani, Jun 18, 2020, 1:37 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸನಗರ: ತಾಲೂಕಿನಾದ್ಯಂತ ಮಳೆ ಬಿರುಸುಗೊಂಡಿದೆ. ಕಳೆದ 24 ಗಂಟೆಯಲ್ಲಿ ವ್ಯಾಪಕವಾಗಿ ಮಳೆ ಸುರಿದಿದೆ. ಹುಲಿಕಲ್‌ ನಲ್ಲಿ ಒಂದೇ ದಿನ ಅತಿ ಹೆಚ್ಚು 125 ಮಿಮೀ ಮಳೆ ಸುರಿದಿದೆ.

ಚಕ್ರಾ ಜಲಾಶಯ ವ್ಯಾಪ್ತಿಯಲ್ಲಿ 110 ಮಿಮೀ, ಸಾವೇಹಕ್ಲು ಜಲಾಶಯ ವ್ಯಾಪ್ತಿಯಲ್ಲಿ 114 ಮಿಮೀ, ಮಾಣಿ ಜಲಾಶಯ ವ್ಯಾಪ್ತಿಯಲ್ಲಿ 66 ಮಿಮೀ ಮಳೆ ಬಿದ್ದಿದೆ. ಮಾಸ್ತಿಕಟ್ಟೆಯಲ್ಲಿ 110 ಮಿಮೀ ಮಳೆ ಸುರಿದರೆ, ಯಡೂರಿನಲ್ಲಿ 84 ಮಿಮೀ ಮಳೆಯಾಗಿದೆ.

ನದಿಯಲ್ಲಿ ಹೆಚ್ಚಿದ ನೀರಿನ ಹರಿವು: ನಗರ ಹೋಬಳಿ ಮತ್ತು ಶರಾವತಿ ನದಿ ಪಾತ್ರದಲ್ಲಿ ಕಳೆದ ಮೂರು ದಿನದಿಂದ ಉತ್ತಮ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಶರಾವತಿ ನದಿಯಲ್ಲಿ ನೀರಿನ ಹರಿವು ಹೆಚ್ಚಿದೆ. ಶರಾವತಿ ನದಿ ಹಿನ್ನೀರಿನ ಜೀವಾಳ ಎಂದೇ ಪರಿಗಣಿತವಾಗಿರುವ ನಗರ ಹೋಬಳಿಯಲ್ಲಿ ವ್ಯಾಪಕ ಮಳೆಯಾಗುತ್ತಿರುವ ಕಾರಣ ನೀರಿಲ್ಲದೆ ಒಣಗಿದಂತಿದ್ದ ಶರಾವತಿ ನದಿ ಪಾತ್ರ ಜೀವಕಳೆ ತಂದುಕೊಂಡಿದೆ.

235.60 ಮಿಮೀ ಮಳೆ
ಶಿವಮೊಗ್ಗ: ಜಿಲ್ಲೆಯಲ್ಲಿ ಕಳೆದ 24 ಗಂಟೆಗಳ ಅವ ಧಿಯಲ್ಲಿ ಒಟ್ಟು 235.60 ಮಿಮೀ ಮಳೆಯಾಗಿದ್ದು, ಸರಾಸರಿ 33.66 ಮಿಮೀ ಮಳೆ ದಾಖಲಾಗಿದೆ. ಜೂನ್‌-2020 ತಿಂಗಳ ಸಾಮಾನ್ಯ ಮಳೆಯ ಸರಾಸರಿ ಪ್ರಮಾಣ 390.67 ಮಿಮೀ ಇದ್ದು, ಇದುವರೆಗೆ ಸರಾಸರಿ 199.09 ಮಿಮೀ ಮಳೆ ದಾಖಲಾಗಿದೆ. ಶಿವಮೊಗ್ಗ 38.20 ಮಿಮೀ, ಭದ್ರಾವತಿ 11.80 ಮಿಮೀ, ತೀರ್ಥಹಳ್ಳಿ 42.60 ಮಿಮೀ, ಸಾಗರ 23.60 ಮಿಮೀ, ಶಿಕಾರಿಪುರ 6.60 ಮಿಮೀ, ಸೊರಬ 9.20 ಮಿಮೀ ಹಾಗೂ ಹೊಸನಗರ 103.60 ಮಿಮೀ ಮಳೆಯಾಗಿದೆ.