ಶೀಘ್ರದಲ್ಲೇ 230 ವಿವಿಗಳಿಂದ ಆನ್‌ಲೈನ್‌ ಪದವಿ ಕೋರ್ಸ್‌?

Team Udayavani, Jun 22, 2020, 6:40 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ಉನ್ನತ ಶಿಕ್ಷಣ ಇನ್ನಷ್ಟು ಸುಲಭವಾಗಿ ಕೈಗೆಟುಕುವಂತೆ ಮಾಡಲು ಯುಜಿಸಿ ಈ ಸಂಬಂಧ ನಿಯಮದಲ್ಲಿ ಸಡಿಲಿಕೆ ಮಾಡಿದೆ.

ಸುಮಾರು 230 ವಿವಿಗಳಿಗೆ ಆನ್‌ಲೈನ್‌ ಮೂಲಕ ಪದವಿ ಶಿಕ್ಷಣ ನೀಡಲಿವೆ.

ವಿವಿಗಳು ಯುಜಿಸಿಯ ಕೆಲವು ಮಾನದಂಡಗಳನ್ನು ಹೊಂದಿದ್ದರೂ ಅನುಮತಿ ನೀಡಲಾಗು­ವುದು ಎಂದು ಯುಜಿಸಿಯ ಮೂಲಗಳು ತಿಳಿಸಿವೆ.

ಅದರಂತೆ, ನ್ಯಾಕ್‌ 3.01 ಮತ್ತು ಯುಜಿಸಿಯಿಂದ ಗ್ರೇಡ್‌ ಎ ಪಡೆದಿರಬೇಕು ಅಥವಾ ನ್ಯಾಷನಲ್‌ ಇನ್ಸ್‌ಸ್ಟಿಟ್ಯೂಷನ್‌ ರ್‍ಯಾಂ­ಕಿಂಗ್‌ ಫ್ರೇಂ ವರ್ಕ್‌ ನ (ಎನ್‌ಐಆರ್‌ಎಫ್) ರ್‍ಯಾಂಕಿಂಗ್‌ ಪಟ್ಟಿಯಲ್ಲಿ 100ರ ಒಳಗೆ ವಿವಿ ರ್‍ಯಾಂಕಿಂಗ್‌ ಪಡೆದಿರಬೇಕು ಎಂದು ಹೇಳಿದೆ.

ಮಾನವ ಸಂಪನ್ಮೂಲ ಇಲಾಖೆ ಈ ಕುರಿತ ನಿಯಮಗಳನ್ನು ಸಡಿಲಿಸಲು ಹೇಳಿದ ಬಳಿಕ ಯುಜಿಸಿ ನಿಯಮಗಳನ್ನು ಸಡಿಲಿಸಿದೆ. ಮೊದಲು ವಿವಿಗಳು 100ರ ಒಳಗೆ ರ್‍ಯಾಂಕ್‌ ಪಡೆಯುವುದರ ಜತೆಗೆ ಎ+ ಗ್ರೇಡ್‌ ಹೊಂದಿರ­ದ್ದರೆ ಮಾತ್ರ ಅವು ಆನ್‌ಲೈನ್‌ ಪದವಿ ನೀಡಲು ಅರ್ಹ ಎಂದು ಪರಿಗಣಿಸಲಾಗುತ್ತಿತ್ತು.