ಪಿಎಚ್‌ಡಿ ಪಡೆದ ಮುಖ್ಯಪೇದೆಗೆ ಸನ್ಮಾನ

Team Udayavani, Jun 23, 2020, 5:08 AM IST

ಮೈಸೂರು: ನಗರದ ಕೆ.ಆರ್‌.ಪೊಲೀಸ್‌ ಠಾಣೆ ಮುಖ್ಯಪೇದೆ ಎನ್‌.ಸುರೇಶ್‌ ಪೊಲೀಸ್‌ ವೃತ್ತಿ ನಿಭಾಯಿಸುವ ಜೊತೆಗೆ ಸಂಶೋಧನೆಯಲ್ಲೂ ತೊಡಗಿಸಿಕೊಂಡು ಪಿಎಚ್‌ಡಿ ಪದವಿ ಪಡೆದಿದ್ದಾರೆ.

ಮೈಸೂರು ವಿಶ್ವವಿದ್ಯಾಲಯದ ಪತ್ರಿಕೋದ್ಯಮ ಮತ್ತು ಸಂವಹನ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ಡಾ.ಮಮತಾ ಮಾರ್ಗದರ್ಶನದಲ್ಲಿ “ಕನ್ನಡದ ಪ್ರಮುಖ ದಿನಪತ್ರಿಕೆಗಳಲ್ಲಿ ಪೊಲೀಸ್‌ ಇಲಾಖೆ ಕಾರ್ಯವೈಖರಿ ಕುರಿತ ವರದಿಗಳ ವಿಶ್ಲೇಷಣೆ: ಒಂದು ಅಧ್ಯಯನ ‘  ಎಂಬ ವಿಷಯ ಕುರಿತು ಸಂಶೋಧನೆ ನಡೆಸಿ ಸಾದರ ಪಡಿಸಿದ ಮಹಾಪ್ರಬಂಭಕ್ಕೆ ಮೈಸೂರು ವಿವಿಯು ಪಿಎಚ್‌ಡಿ ಪದವಿಗೆ ಅಂಗೀಕರಿಸಿದೆ.

ಕೃಷ್ಣರಾಜ ಠಾಣೆಯಲ್ಲಿ ಮುಖ್ಯ ಪೇದೆ ಡಾ.ಎನ್‌.ಸುರೇಶ್‌ರನ್ನು ಪಡುವಾರ ಹಳ್ಳಿ ಸ್ನೇಹ ಬಳಗದ  ಸದಸ್ಯರು ಠಾಣೆಯಲ್ಲಿ ಸನ್ಮಾನಿಸಿದರು. ದಿ ಮೈಸೂರು ಕೊ ಆಪರೇಟಿವ್‌ ಬ್ಯಾಂಕ್‌ ಉಪಾಧ್ಯಕ್ಷ ಪಡು ವಾರಹಳ್ಳಿ ರಾಮಕೃಷ್ಣ, ಇನ್ಸ್‌ ಪೆಕ್ಟರ್‌ ಶ್ರೀನಿವಾಸ್‌, ವಕೀಲ ವಾಮನ, ಯುವ ಮುಖಂಡ ಸ್ವರೂಪ್‌, ಯಾದವಗಿರಿ ಗೋವಿಂದರಾಜು  ಇತರರಿದ್ದರು.