ಕೋವಿಡ್ ವಾರಿಯರ್ಸ್‌ಗಳಿಗೆ ಸನ್ಮಾನ

Team Udayavani, Jun 26, 2020, 6:26 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ನಾಲತವಾಡ: ಪಟ್ಟಣದ ವೀರೇಶ್ವರ ಪಟ್ಟಣ ಸಹಕಾರಿ ಬ್ಯಾಂಕ್‌ ವತಿಯಿಂದ ಕೋವಿಡ್ ವಾರಿಯರ್ಸ್‌ಗಳಾದ ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ, ಆಶಾ ಕಾರ್ಯಕರ್ತೆಯರು, ಪತ್ರಕರ್ತರು ಮತ್ತು ಪೊಲೀಸ್‌ ಇಲಾಖೆ ಸಿಬ್ಬಂದಿಗಳನ್ನು ಸನ್ಮಾನಿಸಲಾಯಿತು.

ಈ ವೇಳೆ ಬ್ಯಾಂಕ್‌ ಅಧ್ಯಕ್ಷ ಎಂ.ಎಸ್‌. ಪಾಟೀಲ ಮಾತನಾಡಿ, ಕೋವಿಡ್ ಸೋಂಕಿನ ನಿಯಂತ್ರಣಕ್ಕೆ ತಮ್ಮ ಪ್ರಾಣವನ್ನು ಲೆಕ್ಕಿಸದೆ ಹಗಲಿರುಳು ಸೇವೆ ಸಲ್ಲಿಸಿದ ಇವರ ಕಾರ್ಯ ನಿಜಕ್ಕೂ ಪ್ರಶಂಸೆಗೆ ಕಾರಣವಾಗಿದೆ. ಆದ್ದರಿಂದ ಅವರಿಗೆ ನಮ್ಮ ಬ್ಯಾಂಕ್‌ ವತಿಯಿಂದ ವಿಶೇಷವಾಗಿ ಸನ್ಮಾನಿಸಿದ್ದೇವೆ ಎಂದರು. ನಿರ್ದೇಶಕ ಬಸವರಾಜ ತಿರುಮುಖೀ ಹಾಗೂ ನಿವೃತ್ತ ಶಿಕ್ಷಕ ಎ.ಎಸ್‌. ಪಟ್ಟಣಶೆಟ್ಟಿ ಮಾತನಾಡಿದರು.

ಸನ್ಮಾನ: ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿ ಕಾರಿ ಸಿ.ಬಿ. ವಿರಕ್ತಮಠ, ಆಶಾ ಕಾರ್ಯಕರ್ತೆಯರು, ಎಎಸ್‌ಐ ಎಸ್‌.ಬಿ. ನ್ಯಾಮಣ್ಣನವರ, ಹವಾಲ್ದಾರರಾದ ಎ.ವೈ. ಸಾಲಿ, ಪಾಟೀಲ, ಗೆಣ್ಣೂರ, ಪತ್ರಕರ್ತರಾದ ಕಾಶೀನಾಥ ಬಿರಾದಾರ, ಮಾಂತೇಶ ನೂಲಿನವರ, ಯೂನುಸ್‌ ಮೂಲಿಮನಿ ಅವರನ್ನು ಗೌರವಿಸಲಾಯಿತು.

ಈ ವೇಳೆ ಸಹಕಾರ ಸಂಘದ ತಾಲೂಕು ನಿರೀಕ್ಷಕ ಸಂತೋಷ ಇಲಕಲ್‌, ಬ್ಯಾಂಕಿನ ಅಧ್ಯಕ್ಷ ಎಂ.ಎಸ್‌. ಪಾಟೀಲ, ಉಪಾಧ್ಯಕ್ಷ ಎಂ.ಬಿ. ಅಂಗಡಿ, ಬಿ.ಎಂ.ಇಲಕಲ್‌, ಬಸಣ್ಣ ವಡಗೇರಿ, ಸಿದ್ರಾಮಪ್ಪ ಹಂಪನಗೌಡ್ರ, ನಂದಪ್ಪ ಗಂಗನಗೌಡರ, ಕೆ.ಆರ್‌. ಎತ್ತಿನಮನಿ, ಬಸವರಾಜ ತಿರುಮುಖೀ, ಶ್ರೀದೇವಿ ಹುಮನಾಬಾದ, ಲಕ್ಷ್ಮೀ ಹಂಪನಗೌಡ್ರ, ಸುಭಾಸ ಡಿಗ್ಗಿ, ಈಶ್ವರಪ್ಪ ಚಿನಿವಾರ, ಬಾಲಪ್ಪ ಹಟ್ಟಿ, ಸೀಮಾ ಮಣ್ಣೂರ, ಮಲ್ಲಿಕಾರ್ಜುನ ಕಂಠಿ, ನಾಗರಾಜ ಗಂಗನಗೌಡರ ಇದ್ದರು.