ಹೊಸ ಮಾಸ್ಟರ್‌ ಪ್ಲಾನ್‌ ತಯಾರಿಸಲು ಬಿಡಿಎಗೆ ಸೂಚನೆ

Team Udayavani, Jun 28, 2020, 5:47 AM IST

ಬೆಂಗಳೂರು: ಬಿಡಿಎ ಸಿದ್ಧಪಡಿಸಿದ್ದ ನಗರ ಅಭಿವೃದ್ಧಿ ಮಹಾ ಯೋಜನೆ- 2031ಕ್ಕೆ ನೀಡಿದ್ದ ಅನುಮೋದನೆಯನ್ನು ರಾಜ್ಯ ಸರ್ಕಾರ ಹಿಂಪಡೆದಿದ್ದು, ಪರಿಷ್ಕೃತ ಯೋಜನಾ ವರದಿ ತಯಾರಿಸಿ ಪ್ರಸ್ತಾವನೆ ಸಲ್ಲಿಸಲು ಸೂಚಿಸಿದೆ.  ಪ್ರಾಧಿಕಾರ 2011- 12ರ ಅಂಕಿ ಅಂಶದ ಆಧಾರದಲ್ಲಿ ಬಿಡಿಎ ಯೋಜನೆ ಸಿದ್ಧಪಡಿಸಿ ಪ್ರಸ್ತಾವನೆ ಸಲ್ಲಿಸಿತ್ತು. ಪ್ರಸ್ತುತ ಕೆಲಬದಲಾವಣೆ ಹಾಗೂ ಬೆಳವಣಿಗೆಗಳು ಆಗಿವೆ.

ಆದ್ದರಿಂದ ಯೋಜನೆಯಲ್ಲಿ ಸಾಕಷ್ಟು ಬದಲಾವಣೆಗಳು ಆಗಬೇಕಿದೆ.  ಆದ್ದರಿಂದ 9- 12 ತಿಂಗಳೊಳಗೆ ಪರಿಷ್ಕೃತ ಯೋಜನಾ ವರದಿ ತಯಾರಿಸಲು ಆಯುಕ್ತರಿಗೆ ಸೂಚಿಸಿದೆ. 2011-12 ರಲ್ಲಿ ಪ್ರಾಧಿಕಾರ ಸುಮಾರು 15 ಕೋಟಿ ರೂ. ವೆಚ್ಚದಲ್ಲಿ ಮಾಸ್ಟರ್‌ ಪ್ಲಾನ್‌ ಸಿದ್ಧಪಡಿಸಿತ್ತು. ಅರಣ್ಯ ಪ್ರದೇಶದ ಮಧ್ಯ  ಜಾಗದಲ್ಲಿ ವಾಣಿಜ್ಯ ಚಟುವಟಿಕೆಗೆ ಅವಕಾಶ, ರಿಯಲ್‌ ಎಸ್ಟೇಟ್‌, ಬಿಲ್ಡರ್‌ಗಳಿಗೆ ಅನುಕೂಲ ಮಾಡಿಕೊಡಲಿದೆ ಹಾಗೂ ಯೋಜನಾ ವರದಿ ಅವೈಜ್ಞಾನಿಕವಾಗಿದೆ ಎಂಬ ಆರೋಪಗಳು ಕೇಳಿ ಬಂದಿದ್ದವು.