ಕೋವಿಡ್ ರೋಗ ಲಕ್ಷಣ ರಹಿತರ ಸ್ಥಳಾಂತರ

Team Udayavani, Jul 6, 2020, 1:21 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಶಿವಮೊಗ್ಗ: ಮೆಗ್ಗಾನ್‌ ಕೋವಿಡ್‌ ಆಸ್ಪತ್ರೆಯಿಂದ ರೋಗ ಲಕ್ಷಣಗಳಿಲ್ಲದ 30 ಕೋವಿಡ್ ಪಾಸಿಟಿವ್‌ ರೋಗಿಗಳನ್ನು ಗಾಜನೂರಿನ ಮೊರಾರ್ಜಿ ದೇಸಾಯಿ ವಸತಿ ಶಾಲೆಗೆ ಶನಿವಾರ ಸಂಜೆ ಸ್ಥಳಾಂತರಿಸಲಾಗಿದೆ.

ಮೆಗ್ಗಾನ್‌ ಆಸ್ಪತ್ರೆಯಲ್ಲಿ ಯಾವುದೇ ರೋಗ ರುಜಿನಗಳಿಲ್ಲದೆ ಕೋವಿಡ್ ಪಾಸಿಟಿವ್‌ ಕಾಣಿಸಿಕೊಂಡ ರೋಗಿಗಳನ್ನ ಮಾತ್ರ ಮೊರಾರ್ಜಿ ಶಾಲೆಗೆ ರವಾನಿಸಲಾಗಿದೆ. ಮೆಗ್ಗಾನ್‌ನಲ್ಲಿ ಶೀತ, ಜ್ವರ ಹಾಗೂ ಉಸಿರಾಟ ತೊಂದರೆಗಳ ಜೊತೆಗೆ ಕೋವಿಡ್ ಪಾಸಿಟಿವ್‌ ಕಂಡುಬಂದ ರೋಗಿಗಳನ್ನು ಮಾತ್ರ ಇಟ್ಟುಕೊಳ್ಳಲಾಗಿದೆ. ಇಷ್ಟು ದಿನ ರೋಗ- ರುಜಿನ ಕಂಡುಬರುವ ವ್ಯಕ್ತಿಗಳ ಜೊತೆ ಜ್ವರ, ಉಸಿರಾಟ ತೊಂದರೆ ಇಲ್ಲದೆ ಪಾಸಿಟಿವ್‌ ಕಾಣಿಸಿಕೊಂಡ ವ್ಯಕ್ತಿಗಳನ್ನು ಜೊತೆಯಲ್ಲಿಯೇ ಇರಿಸಿಕೊಂಡು ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ ಇನ್ನು ಮುಂದೆ ಸಿಸಿಸಿ(ಕೋವಿಡ್‌ ಕೇರ್‌ ಸೆಂಟರ್‌) ಗೆ ದಾಖಲಿಸಲಾಗುತ್ತಿದೆ.

ವಿಐಎಸ್‌ಎಲ್‌ ಹಾಗೂ ಗಾಜನೂರಿನ ಮೊರಾರ್ಜಿ ದೇಸಾಯಿ ಶಾಲೆಯನ್ನ ಸಿಸಿಸಿ ಎಂದು ಘೋಷಿಸಲಾಗಿದೆ. 32 ರೋಗ ರುಜಿನವಿಲ್ಲದ ಕೋವಿಡ್ ಸೋಂಕಿತರನ್ನು ಮೆಗ್ಗಾನ್‌ನಿಂದ ಗಾಜನೂರಿನ ಮುರಾರ್ಜಿ ದೇಸಾಯಿ ಶಾಲೆಗೆ ಸ್ಥಳಾಂತರಿಸಲಾಯಿತು. ಆದರೆ ಅವರಿಗೆ ರಾತ್ರಿ 10 ಗಂಟೆ ಆದರೂ ಇನ್ನೂ ಊಟ,  ಬಿಸಿ ನೀರು ನೀಡಿರಲಿಲ್ಲವೆಂದು ಹೇಳಲಾಗುತ್ತಿದೆ. ಸಾಮಾನ್ಯವಾಗಿ ಇವರಿಗೆ 8-9 ಗಂಟೆಯ ಒಳಗೆ ಊಟ ನೀಡಲಾಗುತ್ತದೆ ಎಂದು ಹೇಳಲಾಗುತ್ತಿದೆ.