ಮಂಡ್ಯ: ಕೋವಿಡ್‌ 19ನಿಂದ ಓರ್ವನ ಸಾವು

Team Udayavani, Jul 8, 2020, 5:46 AM IST

ಮದ್ದೂರು: ಪಟ್ಟಣದ ಲೀಲಾವತಿ ಬಡಾವಣೆಯ ನಿವಾಸಿಯೊಬ್ಬರು ಕೋವಿಡ್‌ 19 ಸೋಂಕಿನಿಂದ ಮೃತಪಟ್ಟಿದ್ದು, ಇದು ಮಂಡ್ಯ ಜಿಲ್ಲೆಯಲ್ಲಿಯೇ ಕೋವಿಡ್‌ -19 ಪ್ರಕರಣದ ಮೊದಲ ಬಲಿಯಾಗಿದೆ. ಮದ್ದೂರು ಪಟ್ಟಣದ ಲೀಲಾವತಿ  ಬಡಾವಣೆ ನಿವಾಸಿ 53 ವರ್ಷದ ಮಹಮದ್‌ ಸಲೀಮ್‌ ಕೋವಿಡ್‌ -19ಗೆ ಬಲಿಯಾದ ವ್ಯಕ್ತಿ. ಮೃತರು ಮದ್ದೂರು ಎಪಿಎಂಸಿ ಎಳನೀರು ಮಾರುಕಟ್ಟೆಯ ಸಗಟು ವ್ಯಾಪಾರಿಯಾಗಿದ್ದು, ಕಳೆದ ನಾಲ್ಕು ದಿನಗಳ ಹಿಂದೆ ತೀವ್ರ ಜ್ವರ ಹಾಗೂ  ನರ ರೋಗದ ಹಿನ್ನೆಲೆಯಲ್ಲಿ ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿರುವುದಾಗಿ ತಿಳಿದುಬಂದಿದೆ.

ಸೋಂಕು ಇರುವುದು ದೃಢ: ಇವರು ನರ ರೋಗ ಸಂಬಂಧಿ ಮೂರ್ಚೆ ರೋಗ ವ್ಯಾದಿಯಿಂದ ಬಳಲುತ್ತಿದ್ದರು. ಗಂಟಲಿನ ದ್ರವ ಮಾದರಿ ಸಂಗ್ರಹಿಸಿ, ಪರೀಕ್ಷೆಗೆ ಕಳುಹಿಸಿದ ವೇಳೆ ಕೋವಿಡ್‌ 19 ಸೋಂಕು ಇರುವುದು ಖಾತ್ರಿಯಾದ  ಹಿನ್ನೆಲೆಯಲ್ಲಿ ರೋಗಿಯೂ ಮೂಲತಃ ಮಂಡ್ಯ ಜಿಲ್ಲೆಯಾವರಾಗಿದ್ದರಿಂದ ಅವರನ್ನು ಮೈಸೂರಿನಿಂದ ಮಂಡ್ಯ ಜಿಲ್ಲಾಸ್ಪತ್ರೆ (ಕೋವಿಡ್‌-19) ರವಾನಿಸಲು ಸೂಚಿಸಿದ್ದಾರೆ. ಮೃತ ಸಲೀಮ್‌ ಅವರನ್ನು ಮಂಡ್ಯದ ಜಿಲ್ಲಾಸ್ಪತ್ರೆಗೆ ಚಿಕಿತ್ಸೆಗೆ  ಎಂದು ಕರೆ ತರುವ ಮಾರ್ಗಮಧ್ಯೆ ಅಸುನೀಗಿರುವು ದ್ದು, ಮೃತರ ಶವವನ್ನು ಮಂಡ್ಯದ ಶವಗಾರದಲ್ಲಿ ಇರಿಸಲಾಗಿದೆ.

ಸಂಪರ್ಕಿತರು ಕ್ವಾರಂಟೈನ್‌: ಮೃತರ ಪತ್ನಿ ಸಹೋದರ ಹಾಗೂ ಅವರ ಸಂಪರ್ಕದಲ್ಲಿದ್ದ ಮದ್ದೂರು ಪಟ್ಟಣದ ವ್ಯಕ್ತಿಯೋರ್ವ ನನ್ನು ಮುಂಜಾಗ್ರತಾ ಕ್ರಮವಾಗಿ ಮಂಡ್ಯದ ಕ್ವಾರಂಟೈನ್‌ ಕೇಂದ್ರದಲ್ಲಿ ಇರಿಸಲಾಗಿದೆ. ಮೃತ ವ್ಯಕ್ತಿಯ  ಮದ್ದೂರು ನಿವಾಸವನ್ನು ಸೀಲ್‌ಡೌನ್‌ ಮಾಡಲು ಸ್ಥಳೀಯ ಅಧಿಕಾರಿಗಳು ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿದ್ದಾರೆ.