ಮದುವೆ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ರಮೇಶ್‌ ಅರವಿಂದ್!

Team Udayavani, Jul 8, 2020, 8:40 AM IST

ರಮೇಶ್‌ ಅರವಿಂದ್‌… ಕನ್ನಡ ಚಿತ್ರರಂಗ ಕಂಡ ಅದ್ಭುತ ನಟ, ನಿರ್ದೇಶಕ ಇದೆಲ್ಲದರ ಹೊರತಾಗಿ ಅವರೊಬ್ಬ ಒಳ್ಳೆಯ ಬರಹಗಾರ ಮತ್ತು ಮಾತುಗಾರ ಕೂಡ. 25 ವರ್ಷಕ್ಕೂ ಹೆಚ್ಚು ಕಾಲ ಕನ್ನಡ ಸಿನಿಮಾ ರಂಗದಲ್ಲಿರುವ ರಮೇಶ್‌ ಅರವಿಂದ್‌ ತಮ್ಮ ಮದುವೆ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದಾರೆ. ಹೌದು! ರಮೇಶ್ ಅರವಿಂದ್ ತಮ್ಮ ಪತ್ನಿ ಅರ್ಚನಾರನ್ನು ಬಾಳ ಸಂಗಾತಿಯಾಗಿ ಸ್ವೀಕರಿಸಿ ಮಂಗಳವಾರಕ್ಕೆ 29 ವರ್ಷ ಕಳೆದಿದೆ.

ಅಲ್ಲದೇ, ರಮೇಶ್ ಅರವಿಂದ್ ನಟನಾಗುವುದಿಕ್ಕಿಂತ ಮುಂಚೆಯೇ ಮೊದಲೇ ಅರ್ಚನಾರ ಪರಿಚಯ ಇತ್ತು. ಹೀಗಾಗಿ ರಮೇಶ್ ತಮ್ಮ ಪತ್ನಿ ಜೊತೆಗೆ ಮದುವೆ ಆರತಕ್ಷತೆ ದಿನ ತೆಗೆದ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್‌‌ ಮಾಡಿ “ಈ ದಿನ 1991 !! 29 ವರುಷಗಳ ನಂತರ ಅದೇ ನಗು ಮುಂದುವರಿಯಲು ಹಲವು ಕಾರಣಗಳಿಗೆ ನಾನು ಋಣಿ’ ಎಂದು ಹಂಚಿಕೊಂಡಿದ್ದಾರೆ. ಅಲ್ಲದೇ ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ.

This day ,that year !! 29 years later, glad to have reasons for the same smiles to continue. pic.twitter.com/L2FrgKtK35

— Ramesh Aravind (@Ramesh_aravind) July 7, 2020

ಇನ್ನು ರಮೇಶ್‌ ಅರವಿಂದ ನಟನೆಯ “ಶಿವಾಜಿ ಸುರತ್ಕಲ್’  ಕೊನೆಯ ಚಿತ್ರವಾಗಿದ್ದು, ಇದರಲ್ಲಿ ಕೊಲೆಯ ರಹಸ್ಯ ಭೇಧಿಸುವ ಡಿಟೆಕ್ಟಿವ್ ಪಾತ್ರದಲ್ಲಿ ರಮೇಶ್ ಅರವಿಂದ್ ಬಣ್ಣಹಚ್ಚಿದ್ದರು. ಅಲ್ಲದೇ ಇವರ ನಟನೆ ಮತ್ತು ನಿರ್ದೇಶನದ ಮುಂದಿನ ಚಿತ್ರ “100′ ಚಿತ್ರವು ಕೂಡಾ ಬಿಡುಗಡೆಯ ಹಂತದಲ್ಲಿದ್ದು, ಚಿತ್ರಕೆ ಸೆನ್ಸಾರ್‌ ಮಂಡಳಿಯು ಯು/ಎ ಪ್ರಮಾಣ ಪತ್ರ ಕೂಡ ಸಿಕ್ಕಿದೆ. ಸೈಬರ್‌ ಅಪರಾಧ ವಿಭಾಗದ ತನಿಖಾಧಿಕಾರಿ ಪಾತ್ರದಲ್ಲಿ ರಮೇಶ್‌ ಕಾಣಿಸಿಕೊಂಡಿದ್ದು,ಅವರ ತಂಗಿಯಾಗಿ ರಚಿತಾರಾಮ್‌ ಕಾಣಿಸಿಕೊಂಡಿದ್ದಾರೆ.