ಆಭಿಮಾನಿಗಳಿಗೆ ಹೊಸ ಸುದ್ದಿ ಕೊಟ್ಟ ಡಾರ್ಲಿಂಗ್‌ ಪ್ರಭಾಸ್!

Team Udayavani, Jul 9, 2020, 8:08 AM IST

ಟಾಲಿವುಡ್‌ ಡಾರ್ಲಿಂಗ್‌ ಪ್ರಭಾಸ್ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಅರೇ ಇದೆನಪ್ಪಾ ಪ್ರಭಾಸ್‌ ಮದುವೆ ಏನಾದರೂ ಫಿಕ್ಸ್‌ ಆಯ್ತಾ ಅಂತಾ ಕೇಳಬೇಡಿ. ವಿಷಯ ಏನೆಂದರೆ ಪ್ರಭಾಸ್‌ರ‌ 20ನೇ ಚಿತ್ರದ ಫಸ್ಟ್ ಲುಕ್​ ಹಾಗೂ ಟೈಟಲ್ ಪೋಸ್ಟರ್ ಇದೇ ಜುಲೈ 10ರಂದು ಬೆಳಗ್ಗೆ 10 ಗಂಟೆಗೆ ಬಿಡುಗಡೆಯಾಗಲಿದೆ.

ಹೌದು! ಈ ಬಗ್ಗೆ ನಟ ಪ್ರಭಾಸ್‌ ತಮ್ಮ ಇನ್‌ಸ್ಟಾಗಾಮ್‌ ಖಾತೆಯಲ್ಲಿ ಪೋಸ್ಟರ್‌ವೊಂದನ್ನು ಹಂಚಿಕೊಂಡಿದ್ದು, ಅದರಲ್ಲಿ ಚಿತ್ರದ ಫಸ್ಟ್ ಲುಕ್​ ಹಾಗೂ ಟೈಟಲ್ ಪೋಸ್ಟರ್ ಬಿಡುಗಡೆಯ ದಿನಾಂಕ ಹಾಗೂ ಸಮಯವನ್ನು ತಿಳಿಸಿದ್ದಾರೆ. ಅಲ್ಲದೇ ಈ ಪೋಸ್ಟ್‌ನಿಂದ ಪ್ರಭಾಸ್‌ ಅಭಿಮಾನಿಗಳ ಖುಷಿಗೆ ಪಾರವೇ ಇಲ್ಲದಂತಾಗಿದೆ. ಪ್ರಭಾಸ್‌ 20ನೇ ಚಿತ್ರಕ್ಕೆ ರಾಧಾ ಕೃಷ್ಣ ಕುಮಾರ್ ಆಕ್ಷನ್‌ ಕಟ್‌ ಹೇಳುತ್ತಿದ್ದು, ಕನ್ನಡತಿ ಪೂಜಾ ಹೆಗ್ಡೆ ನಾಯಕಿಯಾಗಿ ನಟಿಸಿತ್ತಿದ್ದಾರೆ. ಅಲ್ಲದೇ ಚಿತ್ರವು ಈಗಾಗಲೇ ವಿದೇಶದಲ್ಲಿ ಫಸ್ಟ್ ಶೆಡ್ಯೂಲ್​ ಶೂಟಿಂಗ್ ಮುಗಿಸಿದ್ದು,  ವರ್ಷದ ಅಂತ್ಯಕ್ಕೆ ಚಿತ್ರೀಕರಣವನ್ನು ಮುಗಿಸಲು ಚಿತ್ರತಂಡ ಯೋಜನೆ ಹಾಕಿಕೊಂಡಿದೆ.

 

View this post on Instagram

 

#Prabhas20 . . @bhushankumar @tseriesfilms #KKRadhaKrishnaKumar @uvcreationsofficial #VamsiReddy #PramodUppalapati @praseedhauppalapati

A post shared by Prabhas (@actorprabhas) on Jul 7, 2020 at 9:55pm PDT

ಇನ್ನು ಈ ಚಿತ್ರದ ಬಗ್ಗೆ 2 ಬಾರಿ ಫಸ್ಟ್ ಲುಕ್ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಹೇಳಿತ್ತು. ಆದರೆ ಕಾರಣಾಂತರಗಳಿಂದ ಮುಂದೂಡಲಾಗಿತ್ತು. ಅಂದಹಾಗೆ ಪ್ರಭಾಸ್ ಕೊನೆಯದಾಗಿ ಸುಜಿತ್‌ ರೆಡ್ಡಿ ನಿರ್ದೇಶನದ “ಸಾಹೋʼ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇವರಿಗೆ ನಾಯಕಿಯಾಗಿ ಬಾಲಿವುಡ್‌ನ ಶ್ರದ್ಧಾ ಕಪೂರ್‌ ನಟಿಸಿದ್ದು, ಈ ಚಿತ್ರವು ಪ್ರಭಾಸ್ ಅಭಿಮಾನಿಗಳ ನಿರೀಕ್ಷೆ ಮಟ್ಟದಲ್ಲಿರಲಿಲ್ಲ.