ಕಿಚ್ಚ ಸುದೀಪ್‌ ಟ್ವೀಟ್‌ಗೆ ಬೆರಗಾದ ಅಭಿಮಾನಿಗಳು!

Team Udayavani, Jul 9, 2020, 8:45 AM IST

ಕಿಚ್ಚ ಸುದೀಪ್ ಯಾವಾಗಲೂ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದು, ತಮ್ಮ ಚಿತ್ರಗಳು ಹಾಗೂ ಲೈಫ್‌ಸ್ಟೈಲ್‌ನ‌ ಬಗ್ಗೆ ಅಭಿಮಾನಿಗಳ ಬಳಿ ಹೊಸ ಹೊಸ ವಿಷಯಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಅಲ್ಲದೇ ನಟ ನಟಿಯರಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ತಿಳಿಸುತ್ತಿರುತ್ತಾರೆ. ಈ ನಡುವೆ ಇತ್ತಿಚೆಗಷ್ಟೇ ಸುದೀಪ್‌ ಟ್ವೀಟರ್‌ನಲ್ಲಿ ಪೋಟೋವೊಂದನ್ನು ಪೋಸ್ಟ್‌ ಮಾಡಿದ್ದು, ಅದನ್ನು ನೋಡಿದವರು ಒಂದು ಕ್ಷಣ ಬೆರಗಾಗಿದ್ದಾರೆ.

ಫೋಟೋದಲ್ಲಿ ಸುದೀಪ್​ ಜೊತೆ ಇರುವ ಈ ಸುಂದರ ಬಾಲಕ ಯಾರು ಎನ್ನುವ ಪ್ರಶ್ನೆ ಮೂಡುತ್ತದೆ. ಆದರೆ ಫೋಟೋದಲ್ಲಿ ಇರುವ ಹುಡುಗ ಬೇರೆ ಯಾರೂ ಅಲ್ಲ.. ಅದು ಸುದೀಪ್‌ರದ್ದೇ. ಹೌದು! ಕಿಚ್ಚ ಸುದೀಪ್​ ಹುಡುಗರಾಗಿದ್ದಾಗಿನ ಫೋಟೋವನ್ನು ಅಭಿಮಾನಿಯೊಬ್ಬ ತನ್ನ ಕಲ್ಪನೆಯಂತೆ ಎಡಿಟ್​ ಮಾಡಿದ್ದಾನೆ. ಈ ಫೋಟೋದಲ್ಲಿ ಸುದೀಪ್​ ತಾವು  ಸಣ್ಣವರಾಗಿದ್ದಾಗಿನ ಅವರದೇ ಹೆಗಲ ಮೇಲೆಯೇ ಕೈ ಹಾಕಿದ್ದಾರೆ  ಅಲ್ಲದೇ ಆ ಬಾಲಕ ಸುದೀಪ್​ ಕೈಯಲ್ಲಿ ಒಂದು ಫೋಟೋ ಫ್ರೇಮ್​ ಇದ್ದು, ಅದರಲ್ಲೂ ಕೂಡಾ ಇದೇ ಮಾದರಿ ಫೋಟೋ ಇದೆ. ಈ ಎಡಿಟಿಂಗ್​ಗೆ ಸ್ವತಃ ಸುದೀಪ್ ಕೂಡ ಫಿದಾ ಆಗಿ ಯಾರೋ ಒಬ್ಬರು ಇದನ್ನು ಮಾಡಿದ್ದಾರೆ. ವಾವ್ ಎಂಥ ಅದ್ಭುತವಾಗಿದೆ.. ಯಾರು ಇದನ್ನು ಮಾಡಿದ್ದಾರೋ ಅವರಿಗೆ  ಧನ್ಯವಾದ ಎಂದು‌ ಟ್ವೀಟ್ ಮಾಡಿದ್ದಾರೆ.

Someone made this..
Jus wowwwwww…
Whoever it isssss,,,,,
Thank uuuuuu.
?? pic.twitter.com/1gdDp1Sr2b

— Kichcha Sudeepa (@KicchaSudeep) July 7, 2020

ಇನ್ನು ಸ್ಯಾಂಡಲ್‌ವುಡ್‌ನ ಬಾದ್‌ಶಾ, ಕಿಚ್ಚ ಸುದೀಪ್ ಬ್ಯಾಕ್‌ ಟು ಬ್ಯಾಕ್‌ ಚಿತ್ರಗಳಲ್ಲಿ ನಟಿಸುತ್ತಿದ್ದು, ಅವರ ಅಭಿನಯದ “ಕೋಟಿಗೊಬ್ಬ 3ʼ ತೆರೆಗೆ ಬರಲು ಸಿದ್ಧವಾಗಿದೆ. “ರಂಗಿತರಂಗ’ ಚಿತ್ರದ ನಿರ್ದೇಶಕ ಅನೂಪ್‌ ಭಂಡಾರಿ “ಫ್ಯಾಂಟಮ್‌ʼ ಚಿತ್ರದಲ್ಲಿಯೂ ವಿಭಿನ್ನ ಶೇಡ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.