ಅಮೆರಿಕದ ಪ್ರಥಮ ಮಹಿಳೆ ಮೆಲನಿಯಾ ಟ್ರಂಪ್ ಪ್ರತಿಮೆಗೆ ಬೆಂಕಿ

Team Udayavani, Jul 9, 2020, 10:22 AM IST

ವಾಷಿಂಗ್ಟನ್:ಅಮೆರಿಕ ಪ್ರಥಮ ಮಹಿಳೆ ಮೆಲನಿಯಾ ಟ್ರಂಪ್ ಮರದ ಪ್ರತಿಮೆಗೆ ಬೆಂಕಿ ಹಚ್ಚಿ ವಿರೂಪಗೊಳಿಸಿರುವ ಘಟನೆ ಸ್ಲೋವೆನಿಯಾದ ಸೆವೆನ್ಸಿಯಾದಲ್ಲಿ ಜುಲೈ 4ರಂದು ನಡೆದಿರುವುದಾಗಿ ವರದಿ ತಿಳಿಸಿದೆ.

ಮೆಲನಿಯಾ ಟ್ರಂಪ್ ಅವರ ಹುಟ್ಟೂರಾದ ಸ್ಲೋವೆನಿಯಾದ ಸೆವೆನ್ಸಿಯಾದಲ್ಲಿ ಮರದ ಪ್ರತಿಮೆ ನಿರ್ಮಾಣ ಮಾಡಲಾಗಿತ್ತು. ಅಮೆರಿಕದ ಸ್ವಾತಂತ್ರ್ಯ ದಿನಾಚರಣೆ(ಜುಲೈ4)ಯಂದು ಮರದ ಪ್ರತಿಮೆಗೆ ಬೆಂಕಿ ಹಚ್ಚಿರುವ ಘಟನೆ ನಡೆದಿರುವುದಾಗಿ ಪ್ರತಿಮೆ ನಿರ್ಮಿಸಿದ್ದ ಬರ್ಲಿನ್ ಮೂಲದ ಅಮೆರಿಕ ಕಲಾವಿದ ಬ್ರ್ಯಾಡ್ ಡೌನಿ ಮಾಹಿತಿ ನೀಡಿದ್ದಾರೆ.

ಪ್ರತಿಮೆಯನ್ನು ಯಾಕೆ ವಿರೂಪಗೊಳಿಸಿದರು ನನಗೆ ತಿಳಿಯಬೇಕಾಗಿದೆ. ಅಮೆರಿಕದಲ್ಲಿ ಈಗಾಗಲೇ ಜನಾಂಗೀಯ ದ್ವೇಷ ಹೊತ್ತಿ ಉರಿಯುತ್ತಿದೆ. ಇಂತಹ ಸಂದರ್ಭದಲ್ಲಿ ಈ ದ್ವೇಷ ಶಮನಗೊಳಿಸಲು ಇದು ಸಕಾಲವಾಗಿದೆ. ಅಷ್ಟೇ ಅಲ್ಲ ಮೆಲನಿಯಾ ಟ್ರಂಪ್ ವಲಸಿಗನನ್ನು ವಿವಾಹವಾಗುವ ಮೂಲಕ ತಮ್ಮ ಸ್ಥಾನ ಏನೆಂಬುದನ್ನು ತೋರ್ಪಡಿಸಿದ್ದಾರೆ ಎಂದು ಡೌನಿ ಹೇಳಿದರು.