ಕೋವಿಡ್ ಕಳವಳ ಜು.22: ರಾಜ್ಯದಲ್ಲಿ 4764 ಹೊಸ ಪ್ರಕರಣಗಳು ; 55 ಸಾವು, 1780 ಚೇತರಿಕೆ

Team Udayavani, Jul 22, 2020, 6:53 PM IST

ಬೆಂಗಳೂರು: ಮಂಗಳವಾರ ಸಾಯಂಕಾಲದಿಂದ ಬುಧವಾರ ಸಾಯಂಕಾಲದವರೆಗಿನ ಕೋವಿಡ್ 19 ಸೋಂಕು ಪ್ರಕರಣಗಳ ವರದಿಯ ಪ್ರಕಾರ, ಈ 24 ಗಂಟೆಗಳ ಅವಧಿಯಲ್ಲಿ ರಾಜ್ಯದಲ್ಲಿ ಒಟ್ಟು 4764 ಕೋವಿಡ್ 19 ಸೋಂಕು ಪ್ರಕರಣಗಳು ವರದಿಯಾಗಿವೆ.

ಲಭ್ಯ ವರದಿಗಳ ಪ್ರಕಾರ ಈ ಅವಧಿಯಲ್ಲಿ ರಾಜ್ಯದಲ್ಲಿ ಒಟ್ಟು 1780 ಕೋವಿಡ್ 19 ಸೋಂಕಿತರು ಚೇತರಿಸಿಕೊಂಡಿದ್ದಾರೆ. ಇಂದು ರಾಜ್ಯದಲ್ಲಿ ಕೋವಿಡ್ 19 ಸಂಬಂಧಿತ ಒಟ್ಟು 55 ಸಾವು ಸಂಭವಿಸಿದೆ.

ಬೆಂಗಳೂರು ನಗರ ಜಿಲ್ಲೆಯಲ್ಲಿ ಕೋವಿಡ್ 19 ಸೋಂಕಿತರ ಸಂಖ್ಯೆ ಇಂದು ಮತ್ತೆ ಎರಡು ಸಾವಿರದ ಗಡಿಯನ್ನು ದಾಟಿದ್ದು, ಇಂದು ಇಲ್ಲಿ 2050 ಸೋಂಕಿತರು ಪತ್ತೆಯಾಗಿದ್ದಾರೆ. ಆ ಬಳಿಕದ ಸ್ಥಾನದಲ್ಲಿ ಉಡುಪಿ (281), ಬೆಳಗಾವಿ (219), ಕಲಬುರಗಿ (175), ದಕ್ಷಿಣ ಕನ್ನಡ (162), ಧಾರವಾಡ (158), ಮೈಸೂರು (145), ಬೆಂಗಳೂರು ಗ್ರಾಮಾಂತರ (139), ರಾಯಚೂರು (135), ಬಳ್ಳಾರಿ (134) ಮತ್ತು ಚಿಕ್ಕಬಳ್ಳಾಪುರ (110) ಜಿಲ್ಲೆಗಳಿವೆ.

ಇಂದು ರಾಜ್ಯದಲ್ಲಿ ಕೋವಿಡ್ 19 ಸೋಂಕಿಗೆ ಒಟ್ಟು 55 ಜನ ಬಲಿಯಾಗಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ ಇದುವರೆಗೆ ಈ ಮಹಾಮಾರಿಗೆ ಬಲಿಯಾದವರ ಒಟ್ಟು ಸಂಖ್ಯೆ 1519ಕ್ಕೆ ಏರಿಕೆ ಆಗಿದೆ.

ಇಂದು ರಾಜ್ಯಾದ್ಯಂತ ಒಟ್ಟು 1780 ಕೋವಿಡ್ ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಗಳಿಂದ ಬಿಡುಗಡೆಗೊಂಡಿದ್ದಾರೆ. ರಾಜ್ಯದಲ್ಲಿ ಇಂದಿನವರೆಗೆ ಒಟ್ಟು 75833 ಕೋವಿಡ್ 19 ಸೋಂಕು ಪ್ರಕರಣಗಳು ದಾಖಲುಗೊಂಡಿದೆ. ಮತ್ತು ಇವರಲ್ಲಿ 27239 ಸೋಂಕಿತರು ಗುಣಮುಖರಾಗಿದ್ದಾರೆ ಹಾಗೂ ರಾಜ್ಯದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 47069 ಇದೆ.

ಕೋವಿಡ್ 19 ಸೋಂಕಿಗೆ ಇದುವರೆಗೂ ರಾಜ್ಯದಲ್ಲಿ 1519 ಸಾವು ಸಂಭವಿಸಿದೆ. ಹಾಗೂ 06 ಜನ ಕೋವಿಡ್ 19 ಸೋಂಕಿತರು ಅನ್ಯ ಕಾರಣದಿಂದ ಮೃತಪಟ್ಟಿದ್ದಾರೆ. 618 ಸೋಂಕಿತರು ತುರ್ತು ನಿಗಾ ಘಟಕದಲ್ಲಿ ದಾಖಲುಗೊಂಡು ಚಿಕಿತ್ಸೆಯನ್ನು ಪಡೆಯುತ್ತಿದ್ದಾರೆ.

ಬೆಂಗಳೂರು ನಗರ ಜಿಲ್ಲೆಯಲ್ಲಿ 2050 ಪಾಸಿಟಿವ್ ಪ್ರಕರಣ ಸೇರಿದಂತೆ, ಉಡುಪಿ – 281, ಬೆಳಗಾವಿ – 219, ಕಲಬುರಗಿ – 175, ದಕ್ಷಿಣ ಕನ್ನಡ – 162, ಮೈಸೂರು – 145, ಬೆಂಗಳೂರು ಗ್ರಾಮಾಂತರ – 139, ಬಳ್ಳಾರಿ – 134, ಚಿಕ್ಕಬಳ್ಳಾಪುರ – 110, ಇವಿಷ್ಟು ಜಿಲ್ಲೆಗಳಲ್ಲಿ ಇಂದು ಮೂರಂಕಿಯ ಕೋವಿಡ್ 19 ಪ್ರಕರಣಗಳು ದಾಖಲಾಗಿವೆ.

ಇನ್ನುಳಿದಂತೆ, ದಾವಣಗೆರೆ – 96, ಕೋಲಾರ – 88, ಚಿಕ್ಕಮಗಳೂರು – 82, ಬೀದರ್ – 77, ಹಾಸನ – 72, ಗದಗ – 71, ಬಾಗಲಕೋಟೆ – 70, ಉತ್ತರ ಕನ್ನಡ – 63, ಶಿವಮೊಗ್ಗ – 59, ವಿಜಯಪುರ 52, ತುಮಕೂರು – 52, ಹಾವೇರಿ – 50, ರಾಮನಗರ – 45, ಯಾದಗಿರಿ – 43, ಚಿತ್ರದುರ್ಗ – 40, ಮಂಡ್ಯ -37, ಚಾಮರಾಜನಗರ – 31 ಮತ್ತು ಕೊಪ್ಪಳ – 21 ಸೇರಿದಂತೆ ರಾಜ್ಯದ ಒಟ್ಟು 29 ಜಿಲ್ಲೆಗಳಲ್ಲಿ ಇಂದು ಮೂರಂಕಿ ಹಾಗೂ ಎರಡಂಕಿಯ ಕೋವಿಡ್ 19 ಸೋಂಕಿನ ಪ್ರಕರಣಗಳು ವರದಿಯಾಗಿವೆ.