ದಶಕದ ಪ್ರವಾಹಕ್ಕೆ ನಲುಗಿದ ಕಾಜಿರಂಗ ರಕ್ಷಿತಾರಣ್ಯ : 129 ವನ್ಯಮೃಗಗಳ ಸಾವು

Team Udayavani, Jul 26, 2020, 4:29 PM IST

ಗುವಾಹಟಿ: ಅಸ್ಸಾಂ ರಾಜ್ಯದಲ್ಲಿ ಕಳೆದ ಕೆಲದಿನಗಳಿಂದ ಭಾರಿ ಮಳೆಯಾಗುತ್ತಿದ್ದು, ಪ್ರಸಿದ್ದ ಕಾಜಿರಂಗ ಹುಲಿ ಸಂರಕ್ಷಿತಾರಣ್ಯ ಬಹುತೇಕ ಮುಳುಗಡೆಯಾಗಿದೆ.

ಕಾಜಿರಂಗ ಸಂರಕ್ಷಿತಾರಣ್ಯದಲ್ಲಿ ಪ್ರವಾಹದ ಕಾರಣ ಈವರೆಗೆ 129 ವನ್ಯಮೃಗಗಳು ಸಾವನ್ನಪ್ಪಿದೆ ಎಂದು ಸರ್ಕಾರ ಮಾಹಿತಿ ನೀಡಿದೆ.

ಅಸ್ಸಾಂ ರಾಜ್ಯದಲ್ಲಿ ಭಾರಿ ಮಳೆಯಾಗುತ್ತಿದ್ದು, ಪ್ರವಾಹದಿಂದ 26.38 ಲಕ್ಷ ಜನರು ಬಾಧಿತರಾಗಿದ್ದಾರೆ. ಪ್ರವಾಹ ಕಾರಣದಿಂದ ರಾಜ್ಯದಲ್ಲಿ ಇದುವರೆಗೆ 97 ಮಂದಿ ಪ್ರವಾಹದಲ್ಲಿ ಮೃತಪಟ್ಟಿದ್ದಾರೆ. ಭೂಕುಸಿತದ ಕಾರಣದಿಂದ 26 ಮಂದಿ ಮರಣ ಹೊಂದಿದ್ದಾರೆ.

ಖಡ್ಗಮೃಗಳ ಆವಾಸ ಸ್ಥಾನ ಎಂದೇ ಕರೆಯಲ್ಪಡುವ ಕಾಜಿರಂಗ ರಕ್ಷಿತಾರಣ್ಯ ಪ್ರವಾಹದಿಂದ ಭಾರಿ ಸಂಕಷ್ಟ ಎದುರಿಸುತ್ತಿದೆ. ಇದುವರೆಗೆ 14 ಖಡ್ಗಮೃಗಗಳು, ಐದು ಕಾಡೆಮ್ಮೆಗಳು, ಎಂಡು ಕಾಡುಹಂದಿಗಳು, ಎರಡು ಜೌಗು ಜಿಂಕೆ, 95 ಹಾಗ್ ಜಿಂಕೆಗಳು, ಮೂರು ಮುಳ್ಳು ಹಂದಿಗಳು, ಒಂದು ಸಾಂಬಾರ್ ಮತ್ತು ಒಂದು ಪೈಥಾನ್ ಸಾವನ್ನಪ್ಪಿದೆ ಎಂದು ಅಸ್ಸಾಂ ಸರ್ಕಾರ ತಿಳಿಸಿದೆ.