ಟಿಕ್ ಟಾಕ್ ಖರೀದಿಸಲು ಆಸಕ್ತಿ ತೋರಿದ ಮೈಕ್ರೋಸಾಫ್ಟ್ ? ಟ್ರಂಪ್ ಹೇಳಿದ್ದೇನು ?

Team Udayavani, Aug 1, 2020, 8:20 AM IST

ನ್ಯೂಯಾರ್ಕ್: ರಾಷ್ಟ್ರೀಯ ಭದ್ರತೆ ಮತ್ತು ಸೆನ್ಸಾರ್ ಶಿಫ್ ಕಾರಣದಿಂದ  ಜನಪ್ರಿಯ ಟಿಕ್ ಟಾಕ್ ಅಪ್ಲಿಕೇಶನ್ ಅನ್ನು ಸಮಗ್ರವಾಗಿ ತಮ್ಮ ಸರ್ಕಾರ ಪರಿಶೀಲಿಸುತ್ತಿದೆ ಎಂದು ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಿಳಿಸಿದ್ದಾರೆ.

ಟ್ರಂಪ್ ಈ ಹೇಳಿಕೆಯೂ ಅಮೆರಿಕಾದ ಆಡಳಿತಾಧಿಕಾರಿಗಳು ಚೀನಾದ ಬೈಟೇಡ್ಯಾನ್ಸ್ ಸಂಸ್ಥೆಗೆ ಟಿಕ್ ಟಾಕ್ ಅನ್ನು ಮಾರಾಟ ಮಾಡುವಂತೆ ಸೂಚಿಸಿದ ನಂತರ ಬಂದಿದ್ದು ಗಮನಾರ್ಹವೆನಿಸಿದೆ. ವರದಿಗಳ ಪ್ರಕಾರ ಶುಕ್ರವಾರ ಸಾಫ್ಟ್ ವೇರ್ ದಿಗ್ಗಜ ಸಂಸ್ಥೆಯಾದ ಮೈಕ್ರೋಸಾಫ್ಟ್ ಟಿಕ್ ಟಾಕ್ ಅನ್ನು ಖರೀದಿಸಲು ಮಾತುಕತೆ ನಡೆಸುತ್ತಿದೆ ಎಂದು ತಿಳಿದುಬಂದಿದೆ.

ವೈಟ್ ಹೌಸ್ ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಟ್ರಂಪ್, ಟಿಕ್ ಟಾಕ್ ಅನ್ನು ಪರಿಶೀಲಿಸಲಾಗುತ್ತಿದೆ. ಬ್ಯಾನ್ ಮಾಡುವ ಅವಕಾಶವೂ ಇದೆ. ಮಾತ್ರವಲ್ಲದೆ ಇತರ ಅವಕಾಶಗಳನಗಳನ್ನು ಪರಿಶೀಲಿಸಲಾಗುತ್ತಿದೆ ಎಂದಿದ್ದಾರೆ.

ಮೂಲಗಳ  ಪ್ರಕಾರ ಅಮೆರಿಕಾ ಸರ್ಕಾರ  ಶೀಘ್ರದಲ್ಲಿ ಬೈಟೇಡ್ಯಾನ್ಸ್ ಚೀನಾ ಕಂಪೆನಿಗೆ ಟಿಕ್ ಟಾಕ್ ಅನ್ನು ಮಾರಾಟ ಮಾಡುವಂತೆ ಸೂಚಿಸಬಹುದು ಎಂದು ತಿಳಿಸಿದೆ. ಮಾತ್ರವಲ್ಲದೆ ಮೈಕ್ರೋ ಸಾಫ್ಟ್ ಕೂಡ ಈ  ಕುರಿತು ಆಸಕ್ತಿ ವ್ಯಕ್ತಪಡಿಸಿದೆ ಎಂದು ತಿಳಿದುಬಂದಿದೆ.

ಈ ಬಗ್ಗೆ ಪ್ರಕಟಣೆ ಹೊರಡಿಸಿದ ಟಿಕ್ ಟಾಕ್, ವದಂತಿಗಳ ಬಗ್ಗೆ ಯಾವುದೇ ಮಾಹಿತಿ ನೀಡುವುದಿಲ್ಲ. ಟಿಕ್ ಟಾಕ್ ಅನ್ನು 2017 ರಲ್ಲಿ ಆರಂಭಿಸಲಾಗಿದೆ, ಮತ್ತು ಹಲವು ದೇಶಗಳಲ್ಲಿ ಇದರ ಸೇವೆ ಮುಂದುವರೆಯುತ್ತದೆ  ಎಂದು ತಿಳಿಸಿದೆ.