ಚಾಮರಾಜನಗರ: 54 ಹೊಸ ಸೋಂಕು ಪ್ರಕರಣ ಪತ್ತೆ ; 28 ಮಂದಿ ಚೇತರಿಕೆ

Team Udayavani, Aug 4, 2020, 6:22 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಚಾಮರಾಜನಗರ: ಜಿಲ್ಲೆಯಲ್ಲಿ ಮಂಗಳವಾರ 54 ಮಂದಿಗೆ ಕೋವಿಡ್-19 ಸೋಂಕು ದೃಢಪಟ್ಟಿದೆ.

28 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಈ ಮೂಲಕ ಜಿಲ್ಲೆಯಲ್ಲಿ ಒಟ್ಟು ಕೋವಿಡ್ 19 ಪ್ರಕರಣಗಳ ಸಂಖ್ಯೆ 851ಕ್ಕೇರಿಕೆಯಾಗಿದೆ.

ಜಿಲ್ಲೆಯಲ್ಲಿ ಇನ್ನೂ 291 ಸಕ್ರಿಯ ಪ್ರಕರಣಗಳಿವೆ ಮತ್ತು ಕೋವಿಡ್ 19 ಸೊಂಕಿನಿಂದ ಇದುವರೆಗೆ 547 ಮಂದಿ ಇದುವರೆಗೆ ಗುಣಮುಖರಾಗಿದ್ದಾರೆ.

ಜಿಲ್ಲೆಯಲ್ಲಿ ಇದುವರೆಗೆ ಕೋವಿಡ್ ಸೋಂಕಿನಿಂದ 11 ಮಂದಿ ಮೃತಪಟ್ಟಿದ್ದಾರೆ. ಕೋವಿಡೇತರ ಕಾರಣದಿಂದ ಇಬ್ಬರು ಸಾವಿಗೀಡಾಗಿದ್ದಾರೆ. 13 ಮಂದಿ ಕೋವಿಡ್ ಆಸ್ಪತ್ರೆಯ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮಂಗಳವಾರ ಒಟ್ಟು 552 ಮಾದರಿಗಳನ್ನು ಪರೀಕ್ಷಿಸಲಾಗಿದೆ. 23 ದೃಢೀಕೃತ ಪ್ರಕರಣಗಳು ಆರ್‌ಟಿಪಿಸಿಆರ್ ವಿಧಾನದಿಂದ, 31 ಪ್ರಕರಣಗಳು Rapid ಆಂಟಿಜೆನ್ ಪರೀಕ್ಷೆಯಿಂದ ಪತ್ತೆಯಾಗಿವೆ.

ಮಂಗಳವಾರ ಚಾಮರಾಜನಗರ ತಾಲೂಕಿನಿಂದ 18, ಗುಂಡ್ಲುಪೇಟೆ ತಾಲೂಕಿನಿಂದ 17, ಕೊಳ್ಲೇಗಾಲ ತಾಲೂಕಿನಿಂದ 7, ಯಳಂದೂರು ತಾಲೂಕಿನಿಂದ 8, ಹನೂರು ತಾಲೂಕಿನಿಂದ 4 ಪ್ರಕರಣಗಳು ವರದಿಯಾಗಿವೆ.