ಇಂಗ್ಲೆಂಡ್ ಗೆ ನೆರವಾದ ಬಟ್ಲರ್- ವೋಕ್ಸ್: ಪಾಕ್ ವಿರುದ್ಧ ಮೊದಲ ಟೆಸ್ಟ್ ಗೆದ್ದ ರೂಟ್ ಪಡೆ

Team Udayavani, Aug 9, 2020, 8:53 AM IST

ಮ್ಯಾಂಚೆಸ್ಟರ್: ಪಂದ್ಯದುದ್ದಕ್ಕೂ ಮುನ್ನಡೆ ಸಾಧಿಸಿ ಗೆಲುವಿನ ಕನಸು ಕಾಣುತ್ತಿದ್ದ ಪಾಕ್ ತಂಡದಿಂದ ಗೆಲುವು ಕಸಿದುಕೊಂಡ ಇಂಗ್ಲೆಂಡ್ ಟೆಸ್ಟ್ ಸರಣಿಯಲ್ಲಿ ಶುಭಾರಂಭ ಮಾಡಿದೆ. ಕ್ರಿಸ್ ವೋಕ್ಸ್ ಮತ್ತು ಜೋಸ್ ಬಟ್ಲರ್ ಶತಕದ ಜೊತೆಯಾಟದಿಂದ ಇಂಗ್ಲೆಂಡ್ ಗೆ ಗೆಲುವು ಸಾಧ್ಯವಾಯಿತು.

ಅಂತಿಮ ದಿನದಲ್ಲಿ ತನ್ನ ಮೊತ್ತಕ್ಕೆ 32 ರನ್ ಪೇರಿಸಿದ ಪಾಕಿಸ್ಥಾನ 169 ರನ್ ಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡಿತು. ಇಂಗ್ಲೆಂಡ್ ಗೆ 277 ರನ್ ಗಳ ಗೆಲುವಿನ ಗುರಿ ನೀಡಿತು.

ಸವಾಲಿನ ಗುರಿ ಬೆನ್ನತ್ತಿದ ಇಂಗ್ಲೆಂಡ್ ಆರಂಭದಲ್ಲಿ ರೋರಿ ಬರ್ನ್ಸ್ ವಿಕೆಟ್ ಕಳೆದುಕೊಂಡಿತು. ನಂತರ ಸಿಬ್ಲಿ 36 ರನ್ ಗಳಿಸಿದರೆ, ರೂಟ್ 42 ರನ್ ಗಳಿಸಿದರು. ಒಂದು ಹಂತದಲ್ಲಿ 117 ರನ್ ಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡವನ್ನು ಆಧರಿಸಿದ್ದನ ವೋಕ್ಸ್ ಮತ್ತು ಬಟ್ಲರ್. ಇವರಿಬ್ಬರು ಆರನೇ ವಿಕೆಟ್ ಗೆ 139 ರನ್ ಜೊತೆಯಾಟ ನಡೆಸಿದರು. ಬಟ್ಲರ್ 75 ರನ್ ಗಳಿಸಿ ಔಟಾದರೆ ವೋಕ್ಸ್ ಅಜೇಯ 84 ರನ್ ಗಳಿಸಿದರು

ಅಂತಿಮವಾಗಿ ಇಂಗ್ಲೆಂಡ್ ಏಳು ವಿಕೆಟ್ ನಷ್ಟಕ್ಕೆ ಗುರಿ ಬೆನ್ನತ್ತಿ ವಿಜಯಿ ಯಾಯಿತು. ವೋಕ್ಸ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.