ಭದ್ರಾವತಿ: 18ಕ್ಕೂ ಅಧಿಕ ಮಂದಿಗೆ ಕೋವಿಡ್‌ ಪಾಸಿಟಿವ್‌

Team Udayavani, Aug 14, 2020, 3:26 PM IST

ಭದ್ರಾವತಿ: ತಾಲೂಕಿನಲ್ಲಿ ಗುರುವಾರ 18ಕ್ಕೂ ಅಧಿಕ ಕೋವಿಡ್ ಪಾಸಿಟಿವ್‌ ಪ್ರಕರಣ ದಾಖಲಾಗಿದ್ದು ಗ್ರಾಮಾಂತರ ಪ್ರದೇಶದಲ್ಲಿ ಓರ್ವ ಸೋಂಕಿನಿಂದ ಸಾವನ್ನಪ್ಪಿದ್ದಾನೆ.

ಗಾಂಧೀನಗರದಲ್ಲಿ 43 ವರ್ಷದ ಪುರುಷ, ಸುರಗಿತೋಪಿನಲ್ಲಿ 31 ವರ್ಷದ ಮಹಿಳೆ ಮತ್ತು 25 ವರ್ಷದ ಪುರುಷ, ಕಾಗದ ನಗರದಲ್ಲಿ 17ವರ್ಷದ ಪುರುಷ, 39 ಹಾಗೂ 58 ವರ್ಷದ ಇಬ್ಬರು ಮಹಿಳೆಯರು, ಉಜ್ಜನೀಪುರದಲ್ಲಿ 58 ವರ್ಷದ ಮಹಿಳೆ, ವಿದ್ಯಾಮಂದಿರದ ಬಳಿ 40 ವರ್ಷದ ಪುರುಷ, ಕೂಲಿಬ್ಲಾಕ್‌ ಶೆಡ್‌ನ‌ಲ್ಲಿ 72 ವರ್ಷದ ಪುರುಷ, ಹುತ್ತಾ ಕಾಲೋನಿಯಲ್ಲಿ 68 ವರ್ಷದ ಪುರುಷ, ಹೊಸಮನೆಯಲ್ಲಿ 60 ಹಾಗೂ 56 ವರ್ಷದ ಇಬ್ಬರು ಪುರುಷರು, ಚಾಮೇಗೌಡೇರಿಯಾದ 65 ವರ್ಷದ ಪುರುಷ, ಕುವೆಂಪು ನಗರದ 52 ವರ್ಷದ ಮಹಿಳೆ, ಸಯ್ಯದ್‌ ಕಾಲೋನಿಯ 47 ವರ್ಷದ ಮಹಿಳೆ, ಮಾರುತಿ ನಗರದ 36 ವರ್ಷದ ಪುರುಷ, ಬಿಎಚ್‌ ರಸ್ತೆಯ 66 ವರ್ಷದ ಪತಿ ಮತ್ತು 62 ವರ್ಷದ ಪತ್ನಿ ಇವರಲ್ಲಿ ಪಾಸಿಟಿವ್‌ ಪತ್ತೆಯಾಗಿದೆ.

ಓರ್ವನ ಸಾವು: ಅರಬಿಳಚಿಯ ನಿವಾಸಿ 65 ವರ್ಷದ ವೃದ್ಧನ ಸ್ಕ್ವಾಬ್‌ ತೆಗೆದು ಪರೀಕ್ಷೆಗೆ ಕಳುಹಿಸಲಾಗಿತ್ತು. ಅದರ ವರದಿ ಬರುವ ಮುನ್ನವೇ ಆತ ಗುರುವಾರ ಮೆಗ್ಗಾನ್‌ ಆಸ್ಪತ್ರೆಯಲ್ಲಿ ಮೃತಪಟ್ಟಿರುವುದರಿಂದ ಆತ ಕೋವಿಡ್‌ ಸೋಂಕಿನಿಂದ ಮೃತಪಟ್ಟ ಸಾಧ್ಯತೆಯಿದೆ ಎಂಬ ಮೇರೆಗೆ ಅರಬಿಳಚಿಯ ಆತನ ನಿವಾಸದ ಮನೆಯನ್ನು ಸೀಲ್‌ ಡೌನ್‌ ಮಾಡಲಾಗಿದೆ. ತಾಲೂಕಿನಲ್ಲಿ ಗುರುವಾರ 18ಕ್ಕೂ ಅಧಿಕ ಜನರಿರಲ್ಲಿ ಪಾಸಿಟಿವ್‌ ಪತ್ತೆಯಾಗಿದ್ದಾರೆ