ಕ್ರಿಕೆಟಿಗ ಸ್ವಪ್ನಿಲ್‌-ಟೆನಿಸ್‌ ಆಟಗಾರ್ತಿ ಋತುಜಾ ನಿಶ್ಚಿತಾರ್ಥ

Team Udayavani, Aug 14, 2020, 5:01 PM IST

ಪುಣೆ: ಮಹಾರಾಷ್ಟ್ರದ ಕ್ರಿಕೆಟಿಗ ಸ್ವಪ್ನಿಲ್‌ ಗುಗಾಲೆ ಮತ್ತು ಅಲ್ಲಿನವರೇ ಆದ ಟೆನಿಸ್‌ ಆಟಗಾರ್ತಿ ಋತುಜಾ ಭೋಸಲೆ ಹಸೆಮಣೆ ಏರಲಿದ್ದಾರೆ. ಇವರಿಬ್ಬರ ವಿವಾಹ ನಿಶ್ಚಿತಾರ್ಥ ಆ. 7 ಮತ್ತು 8ರಂದು ನಡೆದಿತ್ತು.

ಸ್ವಪ್ನಿಲ್‌ ಮತ್ತು ಋತುಜಾ ಅವರದು 4 ವರ್ಷಗಳ ಗೆಳೆತನವಾಗಿತ್ತು. ಲಾಕ್‌ಡೌನ್‌ ಅವಧಿಯಲ್ಲಿ ಎರಡೂ ಕುಟುಂಬದವರು ಸೇರಿ ಮದುವೆಗೆ ಮುಂದಡಿ ಇರಿಸಿದರು.

“ಮೊದಲು ನಾನು ತಂದೆಯ ಬಳಿ ಈ ಮದುವೆಯ ಪ್ರಸ್ತಾವ ಮಾಡಿದೆ. ಅವರು ಒಪ್ಪಿದರು. ಬಳಿಕ ಎರಡೂ ಕುಟುಂಬದವರು ಮಾತುಕತೆ ನಡೆಸಿದರು. ಆದರೆ ಕೊರೊನಾದಿಂದಾಗಿ ಅದ್ಧೂತಿಯ ವಿವಾಹ ಸಾಧ್ಯವಾಗದು. ಇದೇ ತಿಂಗಳಲ್ಲಿ ಸಣ್ಣ ರೀತಿಯಲ್ಲಿ ಮದುವೆ ಶಾಸ್ತ್ರ ಮಾಡಿ ಮುಗಿಸುವ ತೀರ್ಮಾನಕ್ಕೆ ಬರಲಾಗಿದೆ’ ಎಂದು ಋತುಜಾ ಹೇಳಿದರು.