ಸುಶಾಂತ್ ಪ್ರಕರಣವನ್ನು ಸಿಬಿಐ ತನಿಖೆ ನಡೆಸುವುದರಿಂದ ಸಾವಿನ ಕುರಿತ ನೈಜತೆ ಬಯಲಿಗೆ ಬರಬಹುದೇ

Team Udayavani, Aug 20, 2020, 4:33 PM IST

ಮಣಿಪಾಲ: ಬಾಲಿವುಡ್ ನಟ ಸುಶಾಂತ್ ಸಿಂಗ್ ಆತ್ಮಹತ್ಯೆ ಪ್ರಕರಣವನ್ನು ಸಿಬಿಐ ತನಿಖೆ ನಡೆಸುವುದರಿಂದ ನಟನ ಸಾವಿನ ಕುರಿತಾದ ನೈಜ ವಿವರಗಳು ಬಯಲಿಗೆ ಬರಬಹುದೇ – ನೀವೇನು ಅಭಿಪ್ರಾಯಪಡುವಿರಿ ಎಂದು ಉದಯವಾಣಿ ಕೇಳಿದ್ದು, ಆಯ್ದ ಅಭಿಪ್ರಾಯಗಳು ಇಲ್ಲಿದೆ.

ಸುರೇಶ್ ಕೆಸಿ: ಸಿಬಿಐ ಮೇಲೆ ನಂಬಿಕೆ ಇಡುವವರು, ಇದನ್ನು ನಂಬುವರು, ಖಂಡಿತವಾಗಿಯೂ ನ್ಯಾಯ ಸಿಗುತ್ತದೆ ಎಂದು ಅನಿಸುತ್ತದೆ.

ಸನ್ನಿ ಮಥಾಯಸ್: ಏನೂ ಆಗುವುದಿಲ್ಲ. ಈಗಾಗಲೇ ಬಹಳಷ್ಟು ತಡವಾಗಿದೆ. ಯಾವುದೇ ಸಾಕ್ಷ್ಯಗಳು ಉಳಿದಿಲ್ಲ ಈಗ. ಟಿವಿ ಚರ್ಚೆಯ ಸಾಕ್ಷ್ಯಗಳು ಕೋರ್ಟ್ ನಲ್ಲಿ ಊರ್ಜಿತವಾಗುವುದಿಲ್ಲ. ರಾಜಕೀಯವೇ ಪಾತ್ರ ವಹಿಸುತ್ತದೆ ಇಲ್ಲಿ. ಸುಶಾಂತ್ ಕುಟುಂಬ ಕೂಡಾ ಮೊದಲು ಇದು ಆತ್ಮಹತ್ಯೆ ಎಂದೇ ಭಾವಿಸಿತ್ತು. ಘಟನೆ ನಡೆದು ಎರಡು ತಿಂಗಳ ನಂತರ ಈಗ ಎಚ್ಚೆತ್ತುಕೊಂಡಿದೆ.

ಪ್ರಶಾಂತ್ ಭಟ್: ತಡವಾಗಿಯಾದರೂ ಉನ್ನತ ತನಿಖೆಗೆ ವಹಿಸಿದ್ದು ಒಳ್ಳೆಯದೇ ಆಯಿತು. ಸ್ಥಳೀಯ ರಾಜಕಾರಣಿಗಳಿಗೆ ವಸ್ತುವಾಗುವುದು ತಪ್ಪೀತು.