ಸೋಂಕಿತರ ಸಂಖ್ಯೆ 3,866ಕ್ಕೇರಿಕೆ

Team Udayavani, Aug 21, 2020, 1:53 PM IST

ತುಮಕೂರು: ಜಿಲ್ಲೆಯಲ್ಲಿ ಗುರುವಾರ 117 ಹೊಸ ಕೋವಿಡ್‌ -19 ಪ್ರಕರಣ ದೃಢಪಟ್ಟಿದ್ದು, ಒಟ್ಟು ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 3866ಕ್ಕೆ ಏರಿಕೆಯಾಗಿದ್ದು ಸೋಂಕಿನಿಂದ ಇಬ್ಬರು ಮೃತಪಟ್ಟಿದ್ದು ಮೃತರ ಸಂಖ್ಯೆ 119ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗೇಂದ್ರಪ್ಪ ತಿಳಿಸಿದ್ದಾರೆ.

ತುಮಕೂರು-63, ಕುಣಿಗಲ್‌ -2, ತಿಪಟೂರು-9, ಮಧುಗಿರಿ -10, ಪಾವಗಡ-14, ಗುಬ್ಬಿ-5, ತುರುವೇಕೆರೆ-6, ಚಿಕ್ಕನಾಯಕನ ಹಳ್ಳಿ-4, ಶಿರಾ-4 ಸೇರಿ ಒಟ್ಟು 117 ಮಂದಿಯಲ್ಲಿ ಕೋವಿಡ್‌-19 ಸೋಂಕಿರುವುದು ದೃಢಪಟ್ಟಿದೆ ಎಂದರು.  ಜಿಲ್ಲೆಯಲ್ಲಿ ಈ ವರೆಗೆ 61595 ಜನರ ಗಂಟಲು ದ್ರವ ಪರೀಕ್ಷೆ ಮಾಡಲಾಗಿದ್ದು, ಅದರಲ್ಲಿ 52510 ಜನರಿಗೆ ನೆಗೆಟಿವ್‌ ಬಂದಿದೆ, ಅದರಲ್ಲಿ ನಿಗಾವಣೆಯಲ್ಲಿ 7096 ಜನರಿದ್ದು ಪ್ರಥಮ ಸಂಪರ್ಕ 5080, ದ್ವಿತೀಯ 2016 ಜನರಿದ್ದು ಅದರಲ್ಲಿ 2767 ಜನ ಗುಣಮುಖ ರಾಗಿದ್ದಾರೆ. ಇನ್ನೂ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಲ್ಲಿ 980 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಐಸಿಯುನಲ್ಲಿ 14 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದರು.

ಇಬ್ಬರು ಬಲಿ :  ನಗರದ ಸಪ್ತಗಿರಿಯ ಬಡಾವಣೆಯ 64 ವರ್ಷದ ವೃದ್ಧ, ಗುಬ್ಬಿ ತಾಲೂಕಿನ ಕಡಬ ಗ್ರಾಮದ 59 ವರ್ಷದ ಮಹಿಳೆ ಕೋವಿಡ್ ದಿಂದ ಮೃತಪಟ್ಟಿದ್ದಾರೆ ಎಂದು ಹೇಳಿದರು.