ಖಾಸಗಿ ಬಸ್ಸಿಗೆ ಬೆಂಕಿ : ಪ್ರಯಾಣಿಕರು ಸೇಫ್

Team Udayavani, Sep 3, 2020, 1:36 AM IST

ಹುಮನಾಬಾದ: ಬೀದರ್ ನಗರದಿಂದ ಬೆಂಗಳೂರಿಗೆ ತೆರಳುತ್ತಿದ್ದ ಖಾಸಗಿ ಬಸ್ ಒಂದಕ್ಕೆ ಆಕಸ್ಮಿಕವಾಗಿ ಬೆಂಕಿ ತಗಲಿ ಬಸ್ಸು ಸಂಪೂರ್ಣ ಸುಟ್ಟು ಕರಕಲಾಗಿದೆ.

ಹುಮನಾಬಾದ ತಾಲೂಕಿನ ಧುಮನ್ನಸೂರ್ ಗ್ರಾಮದ ಹತ್ತಿರ ಚಲಿಸುತ್ತಿದ್ದ ಸಂದರ್ಭದಲ್ಲಿ ಈ ಬಸ್ಸಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ ಎಂದು ತಿಳಿದುಬಂದಿದೆ.

ಧುಮನಸೂರ್ ಗ್ರಾಮದ ಹತ್ತಿರ ರಸ್ತೆಯಲ್ಲಿರುವ ಹಂಪುಗಳಿದ ಬೆಂಕಿ ಕಾಣಿಸಿಕೊಂಡಿರಬೇಕು ಎಂದು ಇದೀಗ ಊಹಿಸಲಾಗುತ್ತಿದೆ.

ಬಸ್ಸಿನಲ್ಲಿ 17 ಜನ ಪ್ರಯಾಣಿಕರು ಪ್ರಯಾಣಿಸುತ್ತಿದ್ದು, ಬೆಂಕಿ ಕಾಣಿಸಿಕೊಂಡ ಸೂಚನೆ ಸಿಗುತ್ತಿದ್ದಂತೆಯೇ ಅದರಲ್ಲಿದ್ದ ಪ್ರಯಾಣಿಕರು ಆತುರದಲ್ಲಿ ಬಸ್ಸಿನಿಂದ ಕೆಳಗೆ ಇಳಿದಿದ್ದಾರೆ.

ಆದರೆ ಪ್ರಯಾಣಿಕರ ಬ್ಯಾಗುಗಳು ಮತ್ತು ಲಗೆಜ್ ಬಸ್ಸಿನಲ್ಲೇ ಇದ್ದ ಕಾರಣ ಅವೆಲ್ಲವೂ ಸುಟ್ಟು ಕರಕಲಾಗಿದೆ.

ಒಂದು ಗಂಟೆಗಳ ಕಾಲ ಎರೆಡು ಅಗ್ನಿ ಶಾಮಕ ವಾಹನಗಳು ನಿರಂತರ ಬೆಂಕಿ ನಂದಿಸುವ ಕೆಲಸ ಮಾಡಿದ್ದಾರೆ. ಸ್ಥಳದಲ್ಲಿ ಸಿಪಿಐ ಮಲ್ಲಿಕಾರ್ಜಿನ ಯಾತನೂರ್, ಪಿ.ಎಸ್.ಐ ರವಿಕುಮಾರ, ಮಹಾಂತೇಶ ಲುಂಬಿ, ಕಿರಣಕುಮಾರ ಇದ್ದರು.