ಆರೋಗ್ಯವಾಗಿದ್ದೇನೆ, ಭಯ ಬೇಡ: ಆಸ್ಪತ್ರೆಯಿಂದಲೇ ಸಂದೇಶ ನೀಡಿದ ರಂಭಾಪುರೀ ಶ್ರೀಗಳು

Team Udayavani, Sep 3, 2020, 3:17 PM IST

ಚಿಕ್ಕಮಗಳೂರು: ಕೋವಿಡ್-19 ಸೋಂಕು ದೃಢವಾಗಿರುವ ಕಾರಣ ಖಾಸಗಿ ಆಸ್ಪತ್ರೆಗೆ ದಾಖಲಾಗಿರುವ ರಂಭಾಪುರೀ ಶ್ರೀಗಳು ಅಲ್ಲಿಂದಲೇ ವಿಡಿಯೋ ಮುಖಾಂತರ ಸಂದೇಶ ನೀಡಿದ್ದಾರೆ.

ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ರಂಭಾಪುರೀ ಶ್ರೀ ಗಳು ಸಂದೇಶ ನೀಡಿದ್ದು, ಅದರಲ್ಲಿ ವೈದ್ಯರ ಸಲಹೆಯಂತೆ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದು, ಕೋವಿಡ್ ಜೀವಕ್ಕೆ ತೊಂದರೆಯಾಗುವ ಕಾಯಿಲೆ ಅಲ್ಲ. ಭಕ್ತರು ಆತಂಕಪಡುವ ಅಗತ್ಯವಿಲ್ಲ, ನಾವು ಆರೋಗ್ಯವಾಗಿದ್ದೇವೆ. ಭಕ್ತರ ಪ್ರೀತಿಗೆ ಆಭಾರಿಯಾಗಿದ್ದೇ‌ನೆ ಎಂದಿದ್ದಾರೆ.

ಇನ್ನು ಎರಡು ದಿನ ಕಳೆದ ನಂತರ ಆಸ್ಪತ್ರೆಯಿಂದ ಮಠಕ್ಕೆ ಬರುತ್ತೇವೆ. ಪೀಠದ ಮೂಲ ಪಂಚಚಾರ್ಯರ ಅನುಗ್ರಹ, ಶಿವನ ಆಶೀರ್ವಾದ ನಮ್ಮ ಮೇಲಿದೆ. ಅನಾರೋಗ್ಯದಿಂದ ಶೀಘ್ರವೇ ಮುಕ್ತರಾಗಿ ಭಕ್ತರಿಗೆ ದರ್ಶನ ನೀಡುತ್ತೇವೆ ಎಂದಿದ್ದಾರೆ.

ಇದನ್ನೂ ಓದಿ: ಮದುವೆ ನಿಶ್ಚಯವಾಗಿದ್ದ ಯುವತಿ ನಾಪತ್ತೆ! ಪ್ರಿಯಕರನೊಂದಿಗೆ ಪರಾರಿ ಶಂಕೆ

ಚಿಕ್ಕಮಗಳೂರು ‌ಜಿಲ್ಲೆ ಬಾಳೆಹೊನ್ನೂರಿನ ರಂಭಾಪುರೀ ಪೀಠದ ಶ್ರೀಗಳಾಗಿರುವ ವೀರ ಸೋಮೇಶ್ವರ ಶಿವಾಚಾರ್ಯ ಜಗದ್ಗುರುಗಳಿಗೆ ಕಳೆದ ಮಂಗಳವಾರ ಕೋವಿಡ್-19 ಸೋಂಕು ತಾಗಿರುವುದು ದೃಢವಾಗಿತ್ತು.