ಆರು ಜನ ಗಾಂಜಾ ಮಾರಟಗಾರರ ಬಂಧನ: 3 ಕೆಜಿ ಗಾಂಜಾ ಸೇರಿ 8.57 ಲಕ್ಷ ಮೌಲ್ಯದ ವಸ್ತುಗಳ ಜಪ್ತಿ

Team Udayavani, Sep 7, 2020, 4:19 PM IST

ಧಾರವಾಡ: ಧಾರವಾಡ ಶಹರ ಠಾಣೆ ಪೊಲೀಸರು ಆರು ಜನ ಗಾಂಜಾ ಮಾರಾಟಗಾರರನ್ನು ಬಂಧಿಸಿ, 62 ಸಾವಿರ ಮೌಲ್ಯದ ಗಾಂಜಾ ಸೇರಿದಂತೆ ಒಟ್ಟು 8.57 ಲಕ್ಷ ಮೌಲ್ಯದ ವಸ್ತುಗಳನ್ನು ಜಪ್ತಿ ಮಾಡಿದ್ದಾರೆ.

ನಗರದಲ್ಲಿ ಈ‌ ಕುರಿತಂತೆ ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಡಿಸಿಪಿ ಕೃಷ್ಣಕಾಂತ, ಸ್ವಿಫ್ಟ್ ಕಾರು ಹಾಗೂ ಬೈಕ್ ನಲ್ಲಿ ಒಟ್ಟು 62 ಸಾವಿರ ಮೌಲ್ಯದ 3 ಕೆಜಿ 100 ಗ್ರಾಂಜಾ ಅಕ್ರಮವಾಗಿ ಸಾಗಿಸಲಾಗುತ್ತಿತ್ತು. ಇದನ್ನು ಸಾಗಿಸುತ್ತಿದ್ದ ಜೈಭೀಮನಗರದ ಪೃಥ್ವಿ ಕೊಂಡಪಲ್ಲಿ, ಸತ್ಕಾರ ಮೂಡಲಗಿ, ಜಾವೀದ್ ಅಹ್ಮದ್ ಬಾದಾಮಿ, ಮೆಹಬೂಬಸಾಬ್ ಪಠಾಣ್, ಮಹ್ಮದಸಾದಿಕ್ ಖತೀಬ್, ಅಬ್ದುಲ್ ಖಾದರ ದಾವಣಗೆರೆ ಎಂಬವವರನ್ನು ಬಂಧಿಸಲಾಗಿದೆ. ರಾಜೇಸಾಬ್ ದಾವಣಗೆರೆ ಎಂಬಾತ ಪರಾರಿಯಾಗಿದ್ದಾನೆ ಎಂದು ತಿಳಿಸಿದರು.

ಇದನ್ನೂ ಓದಿ:ಜಮೀರ್, ರಾಗಿಣಿ, ಆದಿತ್ಯ ಆಳ್ವ ಯಾರೇ ಆದರೂ ತಪ್ಪಿದ್ದರೆ ಶಿಕ್ಷೆಯಾಗಲಿ: ಸಿದ್ದರಾಮಯ್ಯ

ಬಂಧಿತರಿಂದ ಗಾಂಜಾ, ಒಂದು ಶಿಫ್ಟ್ ಕಾರು, ಒಂದು ಬೈಕ್ ಹಾಗೂ 5 ಮೊಬೈಲ್ ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಹುಬ್ಬಳ್ಳಿ, ಧಾರವಾಡದಲ್ಲಿ ನಡೆಯುತ್ತಿರುವ ಅಕ್ರಮ ಗಾಂಜಾ ಸಾಗಾಟದ ಬಗ್ಗೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಹೇಳಿದರು.

ಇದನ್ನೂ ಓದಿ: ಬೀದಿ ನಾಯಿ ಸಂಬರಗಿಯನ್ನು ಹಾಗೆ ಬಿಡಬೇಡಿ, ನಾನು ಸತ್ತರೂ ಅವನನ್ನು ಬಿಡುವುದಿಲ್ಲ: ಸಂಜನಾ

ಪತ್ರಿಕಾಗೋಷ್ಠಿಯಲ್ಲಿ ಎಸಿಪಿ ಅನುಷಾ, ಶಹರ ಠಾಣೆ ಇನಸ್ಪೆಕ್ಟರ್ ಶ್ರೀಧರ ವಸಂತ ಸತಾರೆ ಇದ್ದರು.