ರಫೇಲ್‌ ಸೇರ್ಪಡೆಯನ್ನು ಸ್ವಾಗತಿಸಿದ ಎಂ.ಎಸ್‌. ಧೋನಿ

Team Udayavani, Sep 10, 2020, 9:45 PM IST

ದುಬಾೖ: ಭಾರತೀಯ ವಾಯುಪಡೆಗೆ ಗುರುವಾರ 5 ರಫೇಲ್‌ ಯುದ್ಧ ವಿಮಾನಗಳು ಸೇರ್ಪಡೆಯಾದವು. ಈ ವೇಳೆ ಧೋನಿ ವಿಶೇಷ ಟ್ವೀಟ್‌ ಮೂಲಕ ಗಮನ ಸೆಳೆದಿದ್ದಾರೆ.

ಸೇನೆಯಲ್ಲಿ ಗೌರವ ಲೆಫ್ಟಿನೆಂಟ್‌ ಕರ್ನಲ್‌ ಹುದ್ದೆ ಪಡೆದಿರುವ ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ, ರಫೇಲ್‌ ವಿಮಾನಗಳು ಸೇನೆಯನ್ನು ಕೂಡಿಕೊಳ್ಳುತ್ತಿದ್ದಂತೆ ಒಂದು ಟ್ವೀಟ್‌ ಮಾಡಿದರು. “ವಿಶ್ವದ ಶ್ರೇಷ್ಠ ಯುದ್ಧ ವಿಮಾನಗಳು, ವಿಶ್ವದ ಶ್ರೇಷ್ಠ ಪೈಲಟ್‌ಗಳನ್ನು ಹೊಂದಿವೆ. ನಮ್ಮ ಪೈಲಟ್‌ಗಳ ಕೈಯಲ್ಲಿ ಈ ಯುದ್ಧ ವಿಮಾನಗಳು ಇನ್ನಷ್ಟು ಮಾರಕವಾಗಲಿವೆ, ಅಪಾಯಕಾರಿಯಾಗಲಿವೆ’ ಎಂದು ಧೋನಿ ಹೇಳಿದರು.

ಸೇನೆಯ ವಿಚಾರಕ್ಕೆ ಬಂದರೆ ಧೋನಿ ಯಾವಾಗಲೂ ಒಂದು ಹೆಜ್ಜೆ ಮುಂದಿರುತ್ತಾರೆ. ಅವಕಾಶ ಸಿಕ್ಕಿದಾಗಲೆಲ್ಲ ಅವರು ಸೇನೆಯ ಕುರಿತು ಮೆಚ್ಚುಗೆಯ ಮಾತನಾಡಿದ್ದಾರೆ.

With the Final Induction Ceremony the world’s best combat proven 4.5Gen fighter plane gets the world’s best fighter pilots. In the hands of our pilots and the mix of different aircrafts with the IAF the potent bird’s lethality will only increase.

— Mahendra Singh Dhoni (@msdhoni) September 10, 2020