ಉಡುಪಿ: ಗುರುವಾರ ಕೋವಿಡ್ ಗೆ 4 ಸಾವು, 227 ಜನರಿಗೆ ಪಾಸಿಟಿವ್

Team Udayavani, Sep 10, 2020, 10:52 PM IST

ಸಾಂದರ್ಭಿಕ ಚಿತ್ರ

ಉಡುಪಿ: ಕೋವಿಡ್ ಸೋಂಕಿನಿಂದ ಜಿಲ್ಲೆಯಲ್ಲಿ ನಾಲ್ವರು ಸಾವನ್ನಪ್ಪಿದ್ದು 227 ಜನರಿಗೆ ಪಾಸಿಟಿವ್‌ ಮತ್ತು 384 ಜನರಿಗೆ ನೆಗೆಟಿವ್‌ ಆಗಿದೆ.

ಉಡುಪಿ ತಾಲೂಕಿನ 66 ವರ್ಷ, 65 ವರ್ಷದ ಪುರುಷ, 41 ವರ್ಷದ ಮಹಿಳೆ, ಕಾರ್ಕಳ ತಾಲೂಕಿನ 68 ವರ್ಷದ ಪುರುಷ ಮೃತಪಟ್ಟವರು. ಅವರಿಗೆ ಕೋವಿಡ್ ಜತೆ ಇತರ ಆರೋಗ್ಯ ಸಮಸ್ಯೆಗಳಿದ್ದವು.

ಸೋಂಕಿತರಲ್ಲಿ ರೋಗ ಲಕ್ಷಣವಿರುವ 74 ಪುರುಷರು, 47 ಮಹಿಳೆಯರು, ರೋಗ ಲಕ್ಷಣವಿರದ 49 ಪುರುಷರು, 57 ಮಹಿಳೆಯರಿದ್ದಾರೆ. ಉಡುಪಿ ತಾಲೂಕಿನ 119, ಕುಂದಾಪುರ ತಾಲೂಕಿನ 42, ಕಾರ್ಕಳ ತಾಲೂಕಿನ 56, ಹೊರ ಜಿಲ್ಲೆಗಳ 10 ಮಂದಿ ಇದ್ದಾರೆ. 56 ಮಂದಿಯನ್ನು ಆಸ್ಪತ್ರೆಗಳಿಗೂ 171 ಮಂದಿಯನ್ನು ಮನೆಗಳ ಐಸೊಲೇಶನ್‌ಗೂ ಒಳಪಡಿಸಲಾಗಿದೆ.

560 ಮಾದರಿ ಸಂಗ್ರಹ
560 ಜನರ ಮಾದರಿಗಳನ್ನು ಸಂಗ್ರಹಿಸಿದ್ದು 317 ಮಾದರಿಗಳ ವರದಿ ಬರಬೇಕಾಗಿದೆ. 69 ಮಂದಿ ಆಸ್ಪತ್ರೆಗಳಿಂದಲೂ, 141 ಮಂದಿ ಮನೆಗಳ ಐಸೊಲೇಶನ್‌ನಿಂದಲೂ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ. ಪ್ರಸ್ತುತ 852 ಮಂದಿ ಆಸ್ಪತ್ರೆಗಳಲ್ಲೂ 1,045 ಮಂದಿ ಮನೆಗಳಲ್ಲೂ ಶುಶ್ರೂಷೆ ಪಡೆಯುತ್ತಿದ್ದಾರೆ.