ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತಿದ್ದ ವ್ಯಕ್ತಿಯ ಬಂಧನ

Team Udayavani, Sep 15, 2020, 5:18 PM IST

ಕೊಪ್ಪಳ: ಕೊಪ್ಪಳ ತಾಲೂಕಿನ ಚುಕ್ಕನಕಲ್ ಗ್ರಾಮದ ಮೆಹ್ತಾ ತೋಟದ ಬಳಿ ಮಾರುತಿ ವಾಲ್ಮೀಕಿ ಎಂಬ ವ್ಯಕ್ತಿಯು ಅಕ್ರಮ ಗಾಂಜಾ ಮಾರಾಟ ಮಾಡುತ್ತಿರುವ ಖಚಿತ ಮಾಹಿತಿ ಪಡೆದ ಗ್ರಾಮೀಣ ಠಾಣೆಯ ಪೊಲೀಸ್ ತಂಡವು ದಾಳಿ ಮಾಡಿ ಆತನನ್ನು ಬಂಧಿಸಿ, ಬಂಧಿತನಿಂದ 155 ಗ್ರಾಂ ಗಾಂಜಾ ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿದ್ದಾರೆ.

ಗಾಂಜಾ ಮಾರಾಟದ ಬಗ್ಗೆ ಖಚಿತ ಮಾಹಿತಿ ಪಡೆದ ಸಿಪಿಐ ರವಿ ಉಕ್ಕುಂದ ನೇತೃತ್ವದ ಪೊಲೀಸ್ ತಂಡವು ದಾಳಿ ಮಾಡಿ ಆರೋಪಿ ಮಾರುತಿ ವಾಲ್ಮೀಕಿಯನ್ನು ಬಂಧಿಸಿ ಆತನನ್ನು ಪರಿಶೀಲನೆ ಮಾಡಿದ ವೇಳೆ ಆತನ ಬಳಿ 155 ಗ್ರಾಂನ 2500 ರೂ. ಬೆಲೆಯಷ್ಟು ಗಾಂಜಾ ಇರುವುದು ಪತ್ತೆಯಾಗಿದೆ.

ಅದನ್ನು ವಶಕ್ಕೆ ಪಡೆದು ಅಲ್ಲದೆ ಆತನ ಬಳಿಯಿದ್ದ 250 ರೂ. ವಶಕ್ಕೆ ಪಡೆದು ಎನ್‌ಡಿಪಿಎಸ್ ಕಾಯ್ದೆ ಕಲಂ 20(ಬಿ)(ಎ) ನಡಿ ಪ್ರಕರಣ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.

ಇದನ್ನೂ ಓದಿ:ಅವ್ಯವಸ್ಥೆ ಮುಖ ಒಂದೊಂದಾಗಿ ಬೆಳಕಿಗೆ! ಚಿಕಿತ್ಸೆಗೆ ವೈದ್ಯಕೀಯ ಸಿಬ್ಬಂದಿ ತಾತ್ಸಾರ