ದುಷ್ಕರ್ಮಿಗಳನ್ನು ಬಂಧಿಸಿ ಗಲ್ಲಿಗೇರಿಸಿ

Team Udayavani, Oct 4, 2020, 5:04 PM IST

ಕೂಡ್ಲಿಗಿ: ಉತ್ತರ ಪ್ರದೇಶ ರಾಜ್ಯದ ಹತ್ರಾಸ ಜಿಲ್ಲೆಯಲ್ಲಿ ಸಾಮೂಹಿಕ ಅತ್ಯಾಚಾರಕ್ಕೆ ಒಳಗಾಗಿ ಮೃತಪಟ್ಟ ಯುವತಿ ಸಾವಿಗೆ ಕಾರಣರಾದವರನ್ನು ಬಂಧಿಸಿ ಗಲ್ಲಿಗೇರಿಸುವಂತೆ ಕರ್ನಾಟಕ ವಾಲ್ಮೀಕಿ ನಾಯಕ ಮಹಾಸಭಾ ಹಾಗೂ ಕರ್ನಾಟಕ ಪ್ರದೇಶ ಯುವ ಜನತಾದಳ ಸೇರಿದಂತೆ ಜನಪರ ಸಂಘಟನೆಗಳು ಶನಿವಾರ ಮದಕರಿ ವೃತ್ತದ ಬಳಿ ಪ್ರತಿಭಟಿಸಿ ತಹಶೀಲ್ದಾರ್‌ ಮೂಲಕ ರಾಷ್ಟ್ರಪತಿಗೆ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಮಾಜಿ ಶಾಸಕ ಎನ್‌.ಟಿ. ಬೊಮ್ಮಣ್ಣ ಮಾತನಾಡಿ, ಜಾತ್ಯತೀತವಾಗಿ, ಪಕ್ಷಾತೀತವಾಗಿ ಇಂಥ ಕೃತ್ಯಗಳನ್ನು ಎಸಗುವವರ ವಿರುದ್ಧ ಹೋರಾಟ ನಡೆಸಬೇಕಾಗಿದೆ. ಜನವಿರೋಧಿ ನೀತಿಯ ಸರ್ಕಾರದ ವಿರುದ್ಧ ಜನಾಂದೋಲನ ಮಾಡುವ ಮೂಲಕ ಪಾಠ ಕಲಿಸಬೇಕಾಗಿದೆ ಎಂದರು. ಕರ್ನಾಟಕ ವಾಲ್ಮೀಕಿ ನಾಯಕ ಮಹಾಸಭಾ ರಾಜ್ಯ ಸಂಘಟನಾ ಕಾರ್ಯದರ್ಶಿ ನಾಗಮಣಿ ಜಿಂಕಲ್‌ ಮಾತನಾಡಿ, ದೇಶದಲ್ಲಿ ಹೆಣ್ಣು ಮಕ್ಕಳಿಗೆ ಮುಕ್ತ ಸ್ವಾತಂತ್ರವಿಲ್ಲದಂತಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಮಾಜಿ ಶಾಸಕ ಎನ್‌.ಟಿ. ಬೊಮ್ಮಣ್ಣ, ಮಯೂರಮಂಜುನಾಥ, ಕಾವಲಿ ಶಿವಪ್ಪ ನಾಯಕ, ಮಂಜುನಾಥ, ಎಸ್‌.ಸುರೇಶ ಸೇರಿದಂತೆಅನೇಕರು ಮಾತನಾಡಿದರು. ಜೆಡಿಎಸ್‌  ತಾಲೂಕು ಅಧ್ಯಕ್ಷ ಜಿ.ಕಾರಪ್ಪ, ಪಪಂ ಸದಸ್ಯರಾದ ಪಿ.ಚಂದ್ರು, ಕೆ.ಈಶಪ್ಪ, ಬಾಣದ ಮೂರ್ತಿ, ರಾಘವೇಂದ್ರ, ನಾಗರಾಜ, ಪ್ರದೀಪ, ಶಿವಶಂಕರ, ಎಸ್‌ .ದುರಗೇಶ, ಮಾಳಿY ರಾಘವೇಂದ್ರ,ಎ. ಅಂಜಿನಪ್ಪ ಸಿದ್ದಪ್ಪ ಇದ್ದರು. ತಹಶೀಲ್ದಾರ್‌ ಎಸ್‌. ಮಹಾಬಲೇಶ್ವರ್‌ಗೆ ಮನವಿ ಸಲ್ಲಿಸಿದರು.

ಅಮಾನವೀಯ ಘಟನೆ ಖಂಡಿಸಿ ಪ್ರತಿಭಟನೆ :

 ಬಳ್ಳಾರಿ: ಉತ್ತರ ಪ್ರದೇಶದ ಯುವತಿ ಮೇಲೆ ಸಾಮೂಹಿಕ ಅತ್ಯಾಚಾರವೆಸಗಿ ಕೊಲೆಗೆ ಕಾರಣರಾದವರನ್ನು ಕಠಿಣ ಶಿಕ್ಷೆಗೆ ಒಳಪಡಿಸಬೇಕು ಎಂದು ಒತ್ತಾಯಿಸಿ ನಗರದ ಡಿಸಿ ಕಚೇರಿ ಆವರಣದಲ್ಲಿ ಮಹರ್ಷಿ ವಾಲ್ಮೀಕಿ ಯುವ ಘರ್ಜನೆ ಸೇನೆ, ದಲಿತ ಸಂಘರ್ಷ ಸಮಿತಿ, ದಲಿತ ಹಕ್ಕುಗಳ ಸಮಿತಿ ಪದಾಧಿ ಕಾರಿಗಳು ಶನಿವಾರ ಪ್ರತಿಭಟನೆ ನಡೆಸಿದರು.

ಉತ್ತರ ಪ್ರದೇಶದ ಹತ್ರಾಸ್‌ನಲ್ಲಿ 19ವರ್ಷದ ಯುವತಿಯನ್ನು ನಾಲ್ಕು ಜನರು ಸೇರಿ ಅತ್ಯಂತ ಕ್ರೂರವಾಗಿ ಸಾಮೂಹಿಕವಾಗಿ ಅತ್ಯಾಚಾರವೆಸಗಿದ್ದಾರೆ. ಯುವತಿಯ ನಾಲಿಗೆಯನ್ನು ಕತ್ತರಿಸಿದ್ದಾರೆ. ಬೆನ್ನು ಮೂಳೆ ಮುರಿದಿದ್ದಾರೆ. ಕತ್ತನ್ನು ತಿರುಗಿಸಿ ಅತ್ಯಂತ ಕ್ರೂರವಾಗಿ ಕೊಲೆ ಮಾಡಿದ್ದಾರೆ. ಇದು ಅತ್ಯಂತ ಅಮಾನವೀಯ ಘಟನೆಯಾಗಿದೆ ಎಂದು ಪ್ರತಿಭಟನಾನಿರತರು ಅಸಮಧಾನ ವ್ಯಕ್ತಪಡಿಸಿದ್ದಾರೆ.

ಅತ್ಯಾಚಾರಕ್ಕೆ ಒಳಗಾಗಿ ದೆಹಲಿಯಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದ ಯುವತಿ ಮೃತದೇಹವನ್ನು ಕುಟುಂಬಕ್ಕೆ ಒಪ್ಪಿಸದೆ, ಪೋಷಕರಿಗೆ ಮಾಹಿತಿ ನೀಡದೆ ಪೊಲೀಸ್‌  ಸರ್ಪಗಾವಲಿನಲ್ಲಿ ಸುಟ್ಟು ಹಾಕಿರುವ ಉತ್ತರ ಪ್ರದೇಶ ಸರ್ಕಾರ, ಪೊಲೀಸರ ಆಡಳಿತ

ಯಂತ್ರ ಕೈಗೊಂಡಿರುವ ಕ್ರಮ ಅತ್ಯಂತ ಖಂಡನೀಯವಾಗಿದೆ. ಅತ್ಯಾಚಾರಿಗಳಿಗೆ ಕಠಿಣ ಶಿಕ್ಷೆ ಆಗಬೇಕು. ಅದು ಭವಿಷ್ಯದಲ್ಲಿ ಇತರರಿಗೆ ಪಾಠವಾಗಬೇಕು. ಸಮಾಜದಲ್ಲಿ ಇಂಥ ಘಟನೆಗಳನ್ನು ಮರುಕಳಿಸದಂತೆ ಕ್ರಮಕೈಗೊಳ್ಳಬೇಕು ಎಂದು ಜಿಲ್ಲಾಡಳಿತದ ಮೂಲಕ ರಾಷ್ಟ್ರಪತಿಗಳಿಗೆ ಮನವಿ ಸಲ್ಲಿಸಲಾಯಿತು.

ಪ್ರತಿಭಟನೆಯಲ್ಲಿ ಸಂಘಟನೆಯ ಎನ್‌. ಸತ್ಯನಾರಾಯಣ, ಕೆ.ಗಾದಿಲಿಂಗಪ್ಪ, ವಿ.ಎಸ್‌. ಶಿವಶಂಕರ್‌, ದುರುಗಪ್ಪ ತಳವಾರ, ವಿ.ಎನ್‌. ರಾಮಚಂದ್ರ, ದುರ್ಗೇಶ್‌, ನಾಗರಾಜ, ಯರ್ರಿಸ್ವಾಮಿ, ಪಿ.ಟಿ. ಮಂಜುನಾಥ್‌, ಬಸವರಾಜ್‌, ದುರ್ವಾಸ್‌, ಜನಾರ್ದನ ನಾಯಕ, ವೆಂಕಟೇಶ್‌, ವೀರಾಂಜನೇಯ, ಟಿ. ಈಶ್ವರ್‌, ಲೋಕೇಶ್‌, ಗಣೇಶ್‌, ಹುಸೇನಪ್ಪ, ಕಿಶೋರ್‌, ಬಾಲು, ಬಿ. ರುದ್ರಪ್ಪ ಸೇರಿದಂತೆ ಹಲವರಿದ್ದರು.