ಚಾಮರಾಜನಗರದಲ್ಲಿ 60 ಕೋವಿಡ್ ಪ್ರಕರಣ ದೃಢ: 84 ಮಂದಿ ಗುಣಮುಖ

Team Udayavani, Oct 5, 2020, 6:23 PM IST

ಚಾಮರಾಜನಗರ: ಜಿಲ್ಲೆಯಲ್ಲಿ ಸೋಮವಾರ 60 ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. 84 ಮಂದಿ ಗುಣಮುಖರಾಗಿದ್ದಾರೆ. ಓರ್ವ ವೃದ್ಧರು ಮೃತಪಟ್ಟಿದ್ದಾರೆ.

ಚಾಮರಾಜನಗರ ಪಟ್ಟಣದ ನಿವಾಸಿ 90 ವರ್ಷದ ವೃದ್ಧರು ಕೋವಿಡ್ ಆಸ್ಪತ್ರೆಗೆ ಸೆ.30ರಂದು ದಾಖಲಾಗಿದ್ದರು. ಚಿಕಿತ್ಸೆ ಫಲಿಸದೇ ಅ.4ರಂದು ಮತಪಟ್ಟಿದ್ದಾರೆ ಎಂದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.

ಜಿಲ್ಲೆಯಲ್ಲಿ ಇದುವರೆಗೆ ಒಟ್ಟು 4475 ಪ್ರಕರಣಗಳು ದೃಢಪಟ್ಟಿವೆ. ಇವರಲ್ಲಿ 3518 ಮಂದಿ ಗುಣಮುಖರಾಗಿದ್ದಾರೆ. 858 ಸಕ್ರಿಯ ಪ್ರಕರಣಗಳಿವೆ. ಒಟ್ಟು 99 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ.

38 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 376 ಮಂದಿ ಹೋಂ ಐಸೋಲೇಷನ್‌ನಲ್ಲಿದ್ದಾರೆ. ಸೋಮವಾರ 457 ಮಾದರಿಗಳನ್ನು ಪರೀಕ್ಷೆಗೊಳಪಡಿಸಲಾಗಿತ್ತು.

ಇಂದಿನ ಪ್ರಕರಣಗಳು: 60
ಇಂದು ಗುಣಮುಖ: 84
ಒಟ್ಟು ಗುಣಮುಖ: 3518
ಇಂದಿನ ಸಾವು: 01
ಒಟ್ಟು ಸಾವು: 99
ಸಕ್ರಿಯ ಪ್ರಕರಣಗಳು: 858
ಒಟ್ಟು ಸೋಂಕಿತರು: 4475