ಯಾವುದೇ ಪಂದ್ಯವಿರಲಿ ಕ್ಯಾಪ್ಟನ್ ಕೊಹ್ಲಿಯ ಈ ಒಂದು ನಂಬಿಕೆ ಬದಲಾಗಲ್ಲ!

Team Udayavani, Oct 16, 2020, 9:50 AM IST

ನವದೆಹಲಿ: ನಂಬಿಕೆ ಮತ್ತು ಮೂಢನಂಬಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ರೀತಿ. ಒಬ್ಬರಿಗೆ ನಂಬಿಕೆಯಾದರೆ ಇನ್ನೊಬ್ಬರಿಗೆ ಅದೇ ಮೂಢನಂಬಿಕೆಯಾಗಬಹುದು. ಕೆಲವರು ಮೂಢನಂಬಿಕೆ ಎನ್ನುವುದನ್ನು ಮತ್ತೂಬ್ಬರು ನಂಬಿಕೆ ಎಂದುಕೊಳ್ಳಬಹುದು. ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿಗೂ ಅಂತಹದ್ದೊಂದು ನಂಬಿಕೆಯಿದೆ. ಅವರೇ ಹೇಳಿಕೊಳ್ಳುವಂತೆ, ಅದು ಮೂಢನಂಬಿಕೆಗಿಂತ ಜಾಸ್ತಿ!

ಅದೇನು ಅಂತ ಅವರಿಗೂ ಖಚಿತವಿಲ್ಲ. ಅವರು ಯಾವಾಗಲೂ ಬಿಳಿಯ ಶೂ ಧರಿಸಿಯೇ ಮೈದಾನಕ್ಕಿಳಿಯುವುದು. ಅದು ಐಪಿಎಲ್‌ ಇರಲಿ, ಅಂತಾರಾಷ್ಟ್ರೀಯ ಪಂದ್ಯವಿರಲಿ ಕೊಹ್ಲಿ ಶೂ ಬಣ್ಣ ಬದಲಾಗುವುದಿಲ್ಲ. ಮ್ಯಾಂಚೆಸ್ಟರ್‌ ಸಿಟಿ ಫ‌ುಟ್‌ಬಾಲ್‌ ತಂಡದ ಮಾಲಿಕ ಪೆಪ್‌ ಗಾರ್ಡಿಯೊಲಾ ಜೊತೆ ಇನ್ಸ್ಟಾಗ್ರಾಮ್‌ ಲೈವ್‌ಚಾಟ್‌ ವೇಳೆ ಕೊಹ್ಲಿ ಈ ಮಾಹಿತಿ ತೆರೆದಿಟ್ಟಿದ್ದಾರೆ.

ಇದನ್ನೂ ಓದಿ:IPL 2020: ಸತತ ಸೋಲಿನಿಂದ ಹೊರಬಂದ ಪಂಜಾಬ್‌

ಮೇರಿ ಕೋಮ್‌ಗಿಂತ ಅನ್ಯ ಸ್ಫೂರ್ತಿಯಿಲ್ಲ!
6 ಬಾರಿ ಬಾಕ್ಸಿಂಗ್‌ ವಿಶ್ವ ಚಾಂಪಿಯನ್‌ ಆಗುವ ಮೂಲಕ ವಿಶ್ವದಾಖಲೆ ನಿರ್ಮಿಸಿರುವ ಮಣಿಪುರದ ಬಾಕ್ಸರ್‌ ಮೇರಿ ಕೋಮ್‌ಗಿಂತ ಮತ್ತೂಬ್ಬರು ಸ್ಫೂರ್ತಿಯಿಲ್ಲ ಎಂದು ಕೊಹ್ಲಿ ಹೇಳಿದ್ದಾರೆ. ಮುಂದಿನ ಜನವರಿಗೆ ತಂದೆಯಾಗುವ ಸಂಭ್ರಮದಲ್ಲಿರುವ ಕೊಹ್ಲಿ, ತಂದೆಯ ಸ್ಥಾನ ಮತ್ತು ಕ್ರೀಡಾಪಟುವಿನ ಜೀವನ ಎರಡನ್ನೂ ನಿಭಾಯಿಸಲು ಮೇರಿ ಕೋಮ್‌ಗಿಂತ ಬೇರೆಯ ಸ್ಫೂರ್ತಿ ಬೇಕಿಲ್ಲ ಎಂದಿದ್ದಾರೆ. ತಾಯಿಯ ಪಾತ್ರ ನಿರ್ವಹಿಸುತ್ತಲೇ ಮೇರಿ ವಿಶ್ವಕಪ್‌ ಗೆದ್ದಿದ್ದು ಇವತ್ತಿಗೂ ವಿಶ್ವಕ್ರೀಡಾ ಇತಿಹಾಸದಲ್ಲಿ ದೊಡ್ಡ ಸ್ಫೂರ್ತಿಯಾಗಿದೆ.