ಚಾಮರಾಜನಗರ: 80 ಹೊಸ ಪ್ರಕರಣ; 55 ಮಂದಿ ಗುಣಮುಖ: ಇಬ್ಬರ ಸಾವು

Team Udayavani, Oct 16, 2020, 6:57 PM IST

ಸಾಂದರ್ಭಿಕ ಚಿತ್ರ

ಚಾಮರಾಜನಗರ: ಜಿಲ್ಲೆಯಲ್ಲಿ ಶುಕ್ರವಾರ 80 ಹೊಸ ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ. 55 ಮಂದಿ ಸೋಂಕಿತರು ಗುಣಮುಖರಾಗಿದ್ದಾರೆ. ಇಬ್ಬರು ಸೋಂಕಿತರು ಮೃತಪಟ್ಟಿದ್ದಾರೆ.

ಚಾಮರಾಜನಗರ ಪಟ್ಟಣದ 75 ವರ್ಷದ ವೃದ್ಧರು ಅ.15 ರಂದು ಹಾಗೂ ಇನ್ನೋರ್ವ 75 ವರ್ಷದ ವೃದ್ಧರು ಅ. 16ರಂದು ಕೋವಿಡ್ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ ಎಂದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.

ಜಿಲ್ಲೆಯಲ್ಲಿ ಪ್ರಸ್ತುತ 795 ಸಕ್ರಿಯ ಪ್ರಕರಣಗಳಿವೆ. ಒಟ್ಟು 5325 ಮಂದಿಗೆ ಸೋಂಕು ತಗುಲಿತ್ತು. ಇದರಲ್ಲಿ 4418 ಮಂದಿ ಗುಣಮುಖರಾಗಿದ್ದಾರೆ. ಒಟ್ಟು 112 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ. 211 ಮಂದಿ ಹೋಂ ಐಸೋಲೇಷನ್‌ನಲ್ಲಿದ್ದಾರೆ. 47 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶುಕ್ರವಾರ 998 ಮಾದರಿಗಳನ್ನು ಪರೀಕ್ಷಿಸಲಾಗಿತ್ತು.

ಇಂದಿನ ಪ್ರಕರಣಗಳು: 80
ಇಂದು ಗುಣಮುಖ: 55
ಒಟ್ಟು ಗುಣಮುಖ: 4418
ಇಂದಿನ ಸಾವು: 02
ಒಟ್ಟು ಸಾವು: 112
ಸಕ್ರಿಯ ಪ್ರಕರಣಗಳು: 795
ಒಟ್ಟು ಸೋಂಕಿತರು: 5325