ಬಾಳು ಜೇನು! ಖರ್ಚು ಕಡಿಮೆ, ಲಾಭ ಜಾಸ್ತಿ…

Team Udayavani, Oct 19, 2020, 8:25 PM IST

ಒಂದು ಕಡೆ ಪ್ರವಾಹ, ಇನ್ನೊಂದು ಕಡೆ ಕೋವಿಡ್, ಮತ್ತೂಂದು ಕಡೆಯಲ್ಲಿ ಆರ್ಥಿಕ ಸಂಕಷ್ಟದ ನೆಪದಲ್ಲಿ ಉದ್ಯೋಗಗಳ ಕಡಿತ… ಹೀಗಾದರೆ ಸಂಪಾದನೆಗೆ ಉಳಿದಿರುವ ದಾರಿ ಯಾವುದು? ಕೃಷಿ ಮಾಡಿಯಾದರೂಬದುಕೋಣ ಎಂದು ಮಾತಾಡುವುದು ಸುಲಭ. ಆದರೆ ಹಾಗೆ ಬದುಕಲು ನಿಜಕ್ಕೂಕಷ್ಟ. ಏಕೆಂದರೆ, ಕೃಷಿ ಕ್ಷೇತ್ರದಲ್ಲಿ ಯಾವುದೇ ಒಂದು ಬೆಳೆಗೆ ದೀರ್ಘ‌ಅವಧಿಯವರೆಗೆ ಉತ್ತಮಬೆಲೆ ಇರುವುದಿಲ್ಲ. ಈಕಾರಣದಿಂದಲೇ ಕೃಷಿಕರಾಗಿ ತಕ್ಷಣವೇ ಗೆಲ್ಲಬಹುದು ಎಂಬ ಧೈರ್ಯ ಮತ್ತು ನಂಬಿಕೆ ಹೆಚ್ಚಿನವರಿಗೆ ಇಲ್ಲ. ಇಂಥಸಂದರ್ಭದಲ್ಲಿ, ಹೆಚ್ಚಿನ ಶ್ರಮ ಮತ್ತು ಚಿಂತೆ ಇಲ್ಲದೆ ನಾಲ್ಕುಕಾಸು ಸಂಪಾದಿಸಬೇಕು ಅನ್ನುವವರು ಜೇನು ಸಾಕಣೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಸಣ್ಣ ಬಂಡವಾಳ ಸಾಕು :  ಇತರೆ ಉಪಕಸುಬುಗಳಿಗೆ ಹೋಲಿಸಿದಾಗ, ಜೇನುಸಾಕಾಣಿಕೆಗೆ ಭೂಮಿ, ವಿದ್ಯುತ್‌, ನೀರಾವರಿ ಮತ್ತು ಯಾವುದೇ ಮೂಲಭೂತ ಸೌಕರ್ಯದ ಅಗತ್ಯವಿಲ್ಲ. ಅಲ್ಪಬಂಡವಾಳದ ಈ ಜೇನು ಕೃಷಿಯು, ಆರ್ಥಿಕವಾಗಿ ಲಾಭ ತಂದುಕೊಡುವ ಉದ್ದಿಮೆ. ಮೊದಲು ಜೇನು ಸಾಕಣೆ ಕುರಿತು ತರಬೇತಿ ಪಡೆಯಬೇಕು. ನಂತರಕೇವಲ 4,500 ರೂಪಾಯಿಗಳನ್ನು ಖರ್ಚು ಮಾಡಿ ಒಂದು ಜೇನು ಪೆಟ್ಟಿ ಗೆ, ಜೇನು ನೊಣಗಳ ಕುಟುಂಬ ಮತ್ತು ಸ್ಟಾÂಂಡ್‌ಖರೀದಿಸಿ ಜೇನು ಸಾಕಾಣಿಕೆ ಆರಂಭಿಸಬಹುದು. ವರ್ಷಕ್ಕೆ ಒಂದು ಕುಟುಂಬದಿಂದ ಸರಾಸರಿ 8 ರಿಂದ 10 ಕೆ.ಜಿ.ಜೇನುತುಪ್ಪ ಮತ್ತು ಒಂದು ಕುಟುಂಬದಿಂದ ಎರಡು ಕುಟುಂಬವನ್ನು ಪಾಲು ಮಾಡಿ ಮಾರಾಟ ಮಾಡುವುದರಿಂದ ಒಟ್ಟು 7,000 ರೂ. ಕ್ಕೂ ಹೆಚ್ಚು ಆದಾಯ ಗಳಿಸಬಹುದು.

ನಮ್ಮ ರಾಜ್ಯದಲ್ಲಿ ಒಟ್ಟು ಐದು ಪ್ರಭೇದಗಳ ಜೇನುನೊಣಗಳಿವೆ. ಹೆಜ್ಜೇನು , ಕೋಲುಜೇನು, ತುಡುವೆಜೇನು, ಯೂರೋಪಿಯನ್‌ ಜೇನು ಮತ್ತು ನಸುರು ಜೇನು. ಹೆಜ್ಜೆàನು ಮತ್ತು ಕೋಲುಜೇನು ನೊಣಗಳನ್ನು ಸಾಕುವುದು ಕಷ್ಟ. ತುಡುವೆ ಜೇನು, ಯೂರೋಪಿಯನ್‌ ಜೇನು ಮತ್ತು ನಸುರು ಜೇನು ನೊಣಗಳನ್ನು ಸಾಕಾಣಿಕೆಮಾಡಬಹುದು. ಎಷ್ಟೋ ಮಂದಿಗೆ ಗೊತ್ತಿಲ್ಲದ ಸಂಗತಿಯೊಂದಿದೆ. ಏನೆಂದರೆ, ಜೇನುಕೃಷಿಗೆ, ಬ್ಯಾಂಕ್‌ ಗಳಿಂದ ಆರ್ಥಿಕ ನೆರವೂ ಸಿಗುತ್ತದೆ.

ವಿಂಗಡಿಸಿ ಮಾರಿದರೆ ಲಾಭ :  ಮಾರುಕಟ್ಟೆಯಲ್ಲಿ ಬಗೆಬಗೆಯ ಜೇನು ತುಪ್ಪದ ಬ್ರಾಂಡ್‌ ಗಳಿವೆ. ಜೇನುಕೃಷಿ ಸಂಘಗಳು, ಅರಣ್ಯ ಇಲಾಖೆ, ಕೆಲವು ಡೀಲರ್‌ ಗಳಿಂದ, ನೇರವಾಗಿ ರೈತರಿಂದ ಅಥವಾ ಸ್ವಂತಗೂಡುಗಳಿಂದ ಜೇನುತುಪ್ಪವನ್ನು ಸಂಗ್ರಹಿಸಿ, ಸಂಸ್ಕರಿಸಿ,ಬಾಟಲಿಯಲ್ಲಿ ತುಂಬಿ ಮಾರಾಟ ಮಾಡಬಹುದು.ವಿವಿಧ ಹೂ, ಜೇನು ಪ್ರಭೇದ, ಪ್ರದೇಶಗಳಿಂದ ಜೇನುಸಂಗ್ರಹಿಸಿ, ಅದೇ ರೀತಿ ಹೆಸರನ್ನು ಕೊಟ್ಟು ಮಾರಾಟಮಾಡಬಹುದು. ನೇರಳೆ ಜೇನುತುಪ್ಪ, ಹೊಂಗೆ ಜೇನು ತುಪ್ಪ, ಕೂರ್ಗ್‌ ಜೇನು, ನಸರು ಜೇನು ಈ ರೀತಿವಿಂಗಡಿಸಿ ಮಾರಾಟ ಮಾಡಿದರೆ ಹೆಚ್ಚು ಲಾಭ.ಮಾರುಕಟಯಲ್ಲಿ  ಒಂದು ಕೆ.ಜಿ. ಜೇನಿಗೆ ಸುಮಾರು 250ರಿಂದ ರೂ. 2000 ದವರೆಗೂ ಬೆಲೆಯಿದೆ. ಸಂಸ್ಕರಿಸಿದ ಜೇನಿಗಿಂತ ಕಚ್ಚಾ ಜೇನಿನಲ್ಲಿ ಸುವಾಸನೆ, ವಿಟಮಿನ್‌, ಮುಂತಾದ ಆರೋಗ್ಯ ಅಂಶಗಳುಹೆಚ್ಚಿರುತ್ತವೆ. ಆದರೆ ಕಚ್ಚಾ ಜೇನು ಬಹು ಬೇಗನೆ ಹರಳು ಕಟ್ಟುತ್ತದೆ. ಹರಳುಗಟ್ಟಿದ ಜೇನು ಅಂದರೆ ಕಲಬೆರಕೆಯದ್ದು ಎನ್ನುವ ಭಾವನೆ ಸಾಮಾನ್ಯವಾಗಿ ಎಲ್ಲರಲ್ಲೂ ಇದೆ, ಅದು ತಪ್ಪು ಗ್ರಹಿಕೆ. ಹರಳುಗಟ್ಟಿದ ಜೇನಿನಲ್ಲಿ ಗ್ಲುಕೋಸ್‌ ಅಂಶ ಹೆಚ್ಚಿರಬಹುದು ಅಥವಾ ತೇವಾಂಶ ಕಡಿಮೆಯಿರಬಹುದು, ಅಥವಾ ಕೆಲವು ಹೂಗಳ ಪುಷ್ಪ ರಸದ ಮೂಲವೇ ಹಾಗೆ ಇರಬಹುದು.

ಬೇಡಿಕೆ ಹೆಚ್ಚಿಸಿ ಕೊಳ್ಳಲುದಾರಿ :  ಬೀ ನರ್ಸರಿಗಳನ್ನು ರಚಿಸಿಕೊಂಡು ಜೇನು ಕುಟುಂಬಗಳನ್ನು ಪಾಲು ಮಾಡಿಯೂ, ಮಾರಾಟ ಮಾಡಬಹುದು. ಆರೋಗ್ಯವಂತ, ಸದೃಢಕುಟುಂಬಗಳನ್ನು ಪಾಲು ಮಾಡಬೇಕು. ಜೇನು ಕುಟುಂಬಗಳಿಗೆ ಬೇಡಿಕೆ ಜಾಸ್ತಿಯಿದ್ದು, ಒಂದುಕುಟುಂಬಕ್ಕೆ ಸುಮಾರು 1500 ರೂ. ರಿಂದ 2000 ರವರೆಗೂ ಬೆಲೆಯಿದೆ. ಕೃಷಿ ಮೇಳ, ರೈತ ಮೇಳದಲ್ಲಿ ಮಳಿಗೆತೆರೆಯುವಮೂಲಕರೈತರಿಗೆಹತ್ತಿರವಾಗಬಹುದು.ಹೀಗೆ ಜೇನುಕೃಷಿಯನ್ನು ಲಾಭದಾಯಕ ಉದ್ಯಮವಾಗಿರೂಪಿಸಿಕೊಳ್ಳಲು ಹಲವು ದಾರಿಗಳಿವೆ.

– ಡಾ.ಕೆ.ಟಿ.ವಿಜಯಕುಮಾರ್‌ ಜೇನು ಕೃಷಿ ವಿಜ್ಞಾನಿ