ಕ್ಷೇತ್ರದ ಅಭಿವೃದ್ಧಿಯೇ ಮೂಲ ಧ್ಯೇಯ

Team Udayavani, Nov 6, 2020, 6:28 PM IST

ಮುಳಬಾಗಿಲು: ಅಧಿಕಾರದ ರಾಜಕಾರಣಕ್ಕಾಗಿ ವ್ಯಕ್ತಿ ವ್ಯಕ್ತಿಗಳ ‌ ನಡುವೆ ಸಹಜವಾಗಿ ಉಂಟಾಗುವ ಬಿರುಕು, ಅಸಮಾಧಾನ ಹಾಗೂ ಸಿಟ್ಟು ಬಹಳ ಕಾಲ ಮುಂದುವರಿದರೆ ಕ್ಷೇತ್ರದ ಅಭಿವೃದ್ಧಿ ಮತ್ತು ಜನತೆಯ ಹಿತದೃಷ್ಟಿಯಿಂದ ಒಳ್ಳೆಯದಲ್ಲ ಎಂದು ಅಬಕಾರಿ ಸಚಿವ ‌ ಎಚ್‌. ನಾಗೇಶ್ ಹೇಳಿದರು.

ಮುಳಬಾಗಿಲು ನಗರದ ಸಚಿವರ ಗೃಹ ಕಚೇರಿ ಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಕೋವಿಡ್ ಸಂಕಷ್ಟ್ದದಲ್ಲಿ ಮನುಷ್ಯನ ಬದುಕೇ ಕೊನೆಗೊಳ್ಳುತ್ತಿರುವ ‌ ಸಂದರ್ಭದಲ್ಲಿ ಇನ್ನಷ್ಟು ದಿನ ಪರಸ್ಪರ ಪರಿಚಯ ಇರುವ ನಾವೆಲ್ಲರೂ ಅಸಹನೆ, ದ್ವೇಷ ಇಟ್ಟುಕೊಂಡು ಬದುಕಬೇಕು? ಎಂಬ ಅಂಶವನ್ನು ಗಮನದಲ್ಲಿಟ್ಟು ಕೊಂಡು ಎಲ್ಲರೂ ಒಟ್ಟಾಗಿ ಜನರ ‌ ಹಿತಕ್ಕಾಗಿ ದುಡಿಯೋಣ ಎಂದು ವಿನಂತಿಸಿಕೊಂಡಿದ್ದೆ.ಆದರೆ ಕೆಲವು ಮಿತ್ರರು ಪತ್ರಿಕಾಗೋಷ್ಠಿ ಕರೆದು ಮತ್ತೆ ಮತ್ತೆ ತಮಗೆ ಅಗೌರವ ‌ ತೋರುವ ಮತ್ತು ಅಧಿಕಾರಪಡೆದನೆಂಬ ಅಸಹನೆಯಿಂದಲೇ ಮಾತನಾಡುತ್ತಾ ಎಚ್ಚರಿಕೆ ನೀಡುತ್ತಿರುವುದು ಬೇಸರ ಮೂಡಿಸಿದೆ ಎಂದರು.

ಪ‌ರಿಹಾರಕ್ಕೆ ಪ್ರಯತ್ನ: ಚುನಾವಣೆಯಲ್ಲಿ ಜನರಿಂದ ಆಯ್ಕೆಯಾದ ವ್ಯಕ್ತಿಗಳು ಯಾರೇ ಆಗಿರಲಿ ಮೊದಲು ಜನರ ಅಭಿವೃದ್ಧಿ  ಕಡೆಗೆ ಗಮನ ‌ಹರಿಸಬೇಕು. ಅವರ ಸಮಸ್ಯೆಗಳನ್ನು ಆಲಿಸಿ ಅವುಗಳಿಗೆ ಪೂರ‌ಕವಾಗಿ ಸ್ಪಂದಿಸಬೇಕು. ಈ ಅಂಶವನ್ನು ತಾವು ಅರಿತಿರುವ ಕಾರ ಣದಿಂದಲೇ ತಮ್ಮ ಮುಳಬಾಗಿಲು ಕ್ಷೇತ್ರದ ಪ್ರತಿಯೊಂದು ಗ್ರಾಮ ಪಂಚಾಯಿತಿಗೆಹೋಗಿ ಜನರ ಸಮಸ್ಯೆಗಳನ್ನು ಆಲಿಸಿ ಅವುಗಳಿಗೆ ಪರಿಹಾರ ನೀಡಲು ಪ್ರಯತ್ನಿಸುತ್ತಿದ್ದೇನೆ ಎಂದು. ಈ ಕೆಲಸವನ್ನು ಮುಂದಿನ ತಾವು ಕ್ಷೇತ್ರದ ಶಾಸಕನಾಗಿರುವವರೆಗೂ ಮಾಡುತ್ತೇನೆ ಮತ್ತು ಅದಕ್ಕಾಗಿಯೇ ತಾವು ಜನರಿಂದ ಆಯ್ಕೆಯಾಗಿದ್ದೇನೆ ಎಂಬ ಅರಿವು ತಮಗಿದೆ ಎಂದರು.

ಯಾವ ಹೊತ್ತಿಗೂ ಬದಲಾಗದೇ ಅಸಹನೆ, ಅಗೌರವ, ದ್ವೇಷ ಭಾವನೆ ಹೊಂದಿರುವ ವ್ಯಕ್ತಿಗಳ ಬಗ್ಗೆ ಯೋಚಿಸು ವುದಕ್ಕಿಂತ ಜನರಕಷ್ಟಗಳಿಗೆ ಸ್ಪಂದಿಸಿದರೆ ಅವರು ತಮ್ಮನ್ನು ಪ್ರೀತಿಯಿಂದ ಕಾಣುತ್ತಾರೆ ಎಂಬುದರಲ್ಲಿ ತಮಗೆ ಅತೀವ ನಂಬಿಕೆಯಿದ್ದು, ಅದೇ ದಾರಿಯಲ್ಲಿ ಸಾಗುತ್ತಿರುವೆ. – ಎಚ್‌.ನಾಗೇಶ್‌, ಅಬಕಾರಿ ಸಚಿವ