ಚಾಮರಾಜನಗರ: ಇಂದು 4 ಮಂದಿಗೆ ಕೋವಿಡ್ ದೃಢ: 77 ಸಕ್ರಿಯ ಪ್ರಕರಣ

Team Udayavani, Nov 19, 2020, 8:16 PM IST

ಚಾಮರಾಜನಗರ: ಜಿಲ್ಲೆಯಲ್ಲಿ ಗುರುವಾರ 4 ಕೋವಿಡ್ ಪ್ರಕರಣಗಳು ಮಾತ್ರ ದೃಢಪಟ್ಟಿದ್ದು, ಪ್ರಕರಣಗಳು ದಿನದಿಂದ ದಿನಕ್ಕೆ ತೀವ್ರ ಇಳಿಮುಖವಾಗುತ್ತಿವೆ.  ಒಟ್ಟು 1703 ಮಾದರಿಗಳ ಪರೀಕ್ಷೆಯಲ್ಲಿ ಕೇವಲ ನಾಲ್ಕು ದೃಢಪಟ್ಟಿರುವುದು ಗಮನಾರ್ಹವಾಗಿದೆ.

ಇದೇ ಅವಧಿಯಲ್ಲಿ 18 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಪ್ರಸ್ತುತ ಜಿಲ್ಲೆಯಲ್ಲಿ 77 ಸಕ್ರಿಯ ಪ್ರಕರಣಗಳಿವೆ. ಗುರುವಾರ ದೃಢಪಟ್ಟ ಪ್ರಕರಣಗಳ ಪೈಕಿ ಚಾ.ನಗರ ತಾಲೂಕಿನಲ್ಲಿ 3 ಹಾಗೂ ಹನೂರು ತಾಲೂಕಿನ 1 ಪ್ರಕರಣ ಪತ್ತೆಯಾಗಿದೆ. ಉಳಿದಂತೆ ಗುಂಡ್ಲುಪೇಟೆ, ಕೊಳ್ಳೇಗಾಲ ಹಾಗೂ ಯಳಂದೂರಿನಲ್ಲಿ ಕೋವಿಡ್ ಪ್ರಕರಣ ವರದಿಯಾಗಿಲ್ಲ.

77 ಸಕ್ರಿಯ ಪ್ರಕರಣಗಳ ಪೈಕಿ ಹೋಂ ಐಸೋಲೇಷನ್‌ನಲ್ಲಿ 44 ಮಂದಿ  ಇದ್ದಾರೆ. ಜಿಲ್ಲಾ ಕೋವಿಡ್ ಆಸ್ಪತ್ರೆಯ ಐಸಿಯುನಲ್ಲಿ 4 ಮಂದಿ ಮಾತ್ರ ಇದ್ದಾರೆ.  ಜಿಲ್ಲೆಯಲ್ಲಿ ಇದುವರೆಗೆ ಒಟ್ಟು 6208 ಪ್ರಕರಣಗಳು ದೃಢಪಟ್ಟಿವೆ. ಈ ಪೈಕಿ 6004 ಮಂದಿ ಗುಣಮುಖರಾಗಿದ್ದಾರೆ. 127 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ.

ಇಂದಿನ ಪ್ರಕರಣಗಳು: 04

ಇಂದು ಗುಣಮುಖ: 18

ಒಟ್ಟು ಗುಣಮುಖ: 6004

ಇಂದಿನ ಸಾವು: 00

ಒಟ್ಟು ಸಾವು: 127

ಸಕ್ರಿಯ ಪ್ರಕರಣಗಳು: 77

ಒಟ್ಟು ಸೋಂಕಿತರು: 6208